سەرنووچە:

شاسوار عەبدولواحید: ئەز و خێزانا خۆ دێ بەشداریێ د خۆنیشاندانێ دا کەین

فۆتۆ: 
2020-02-21

319 جار خوێندراوەتەوە

سەرۆکێ ڤەلڤینا نەوەی نوێ راگەهاند، ئەو و خێزانا خۆ دێ بەشداریێ د خۆنیشاندانا سۆبەهی دا کەن، دەربارەی کو دهێت گۆتن قەردارێ حکومەتێ یە ژبەر وێ یەکێ نەڕازیبوونێ رێک دئێخیت دبێژیت، "چەند جارەکێن دی ژی من گۆتیە ئەگەر ئەو مەردن بلا ئیجرائاتان بکەن".

د دەما بەشداریکرنێ د بەرنامەىا تاوتوێ یا کەنالێ ئێن ئاڕ تى دا، شاسوار عەبدولواحید سەرۆکێ ڤەلڤینا نەوەى نوێ د بەرسڤا پرسیارەکێ دا کو گرەنتی چییە خۆنیشاندانا شەمبیێ ئالۆزى چێنابن، راگەهاند، گرەنتى ئەوە کو ئەز و خێزانا خۆ دێ بەشداریێ د خۆنیشاندانێ دا کەین و ن نێرینا من دێ خەلکەکێ زۆر ب خێزانێن خۆ ڤە بەشداریێ د خۆنیشاندانێ دا کەن.

د بەرسڤا پرسیارەکێ ژی دا شاسوار عەبدولواحید کو دهێت گۆتن ژبەر کو قەردارێ حکومەتێ یە و حکومەت ژی دێ قەرێن خۆ ژێوەرگریت، ژبەر وێ یەکێ دێ ڤێ نەرازیبوونێ رێک ئێخیت ، سەرۆکێ ڤەلڤینا نەوەى نوێ دبێژیت، "ب نێرینا من ئەو پرسیار هەژی بەرسڤدانێ نینە، لێ من چەند جارەکێن دی ژی گۆتیە ئەگەر ئەو مەردن بلا ئیجرائاتان بکەن".  دبێژیت ژی، " ئەگەر ئەز قەرداربم شەرم ناکەم، دێ هێمە سەر تەلەفزیۆنێ و دێ بێژم قەردارم".

د بەرسڤا وان پڕوپاگەندەیان ژی دا کو دبێژن دێ کوڕێن خەلکی دەت کوشتن، شاسوار عەبدولواحید راگەهاند، "ئەم وەک خەلکی دێ چینە پارکەکێ و خۆنیشاندانێ کەین دژى نەبوونا خزمەتگوزاریێ و چەند داخۆازی مە هەنە ، ئەرێ وان پارکان چ لێیە هەیا کو ئەم توندوتیژیێ هەمبەر بکەین؟، پارکا ئازادى ل سلێمانیێ و شانەدەر ل هەولێر و نەورۆز ل دهۆک و باخێ گشتی ل ناڤ بازارێ هەلەبجە، چ لێیە هەیا خەلک بەرباران بکەت؟

ئەو گوتنێن شاسوار عەبدولواحید د دەمەکێ دانە، بڕیارە سۆبەهی شەمبێ، ٢٢ێ سباتا ٢٠٢٠ێ، دژی نەبوونا خزمەتگوزاریێ و چەند داخوازیێن دی، خۆنیشاندانەکا جەماوەری سەرانسەری ل هەرێما کوردستانێ دێ بڕێڤەچیت.