سەرنووچە:

عەلاوی چ ب شاندێ كوردی گووتیە؟

فۆتۆ: 
2020-02-21

1962 جار خوێندراوەتەوە

د جڤینا دگەل شاندێ هەرێمێ دا محەممەد تۆفیق عەلاوی پێ ڕاگەهاندیە، د پێكئینانا حكومەتێ دا دێ وەک پارێزگەهێن دی یێن عێراقێ رەفتارێ دهەل هەرێمێ کەین.

سەلیم شوشكەیی ئەندامێ پەرلەمانێ عێراقێ و ئەندامێ شاندێ دانوستانكارێ هەرێمێ بۆ بەغدا، ب ئاژانسا نووچەییا ئەلعێراقییە ڕاگەهاندیە، د جڤینا عەلاوی و شاندێ هەرێمێ بۆ پیكئینانا حكومەتێ، شاندێ كوردی داخواز ل سەرۆكوەزیرێن نوو كریە د پێكئینانا كابینەیا خۆ دا هەرێمێ وەك گەل تەماشەبکەت نە وەك حزب، د هەمبەر دا ژی عەلاوی ب شاندی ڕاگەهاندیە، هەرێم ژی وەك پارێزگەهێن  دی یێن عێراقێ دێ رەفتار دگەل دا هێت کرن و پەسەندكرنا بەربژارێن كورد ژی دێ ب هەمان وێ میكانیزمێ بیت کو بەربژارێن پاریزگەهێن دی یێن عێراقێ پێ دهێن پەسەند كرن.

شوشكەی ئاشكرا كریە ژی ، عەلاوی ب ئەندامێن شاندێ هەرێمێ ڕاگەهاندیە، كو ئەو ب خۆ دێ بەربژاران بۆ پۆستێن كابینەیا خۆ دێ هەلبژێریت و ڕێ ژی نادەت چ ژ  وەزیرێن نها یا حكومەتێ د پۆستێن خۆ دا بمینن.