سەرنووچە:

پاکستان.. د تەقینەکێ دا حەفت کەس هاتن کوشتن

٢١ ژی برينداربوون
فۆتۆ: 
2020-02-18

230 جار خوێندراوەتەوە

د دەما بڕێڤەچوونا خۆنيشاندانەکێ دا ل پاکستانێ تەقینەک روودا و ب وێ سەدەمێ حەفت كەس هاتن کوشتن و ٢١ ژی برينداربوون.

لگۆر نووچەیێن رۆژنامەڤانیێن نافخۆ یێن وی ولاتی، تەقینەک د دەما بڕێڤەچوونا خۆنيشاندانەکێ ل هەمبەر كۆمەلەیا رۆژنامەنڤیسان ل باژارێ كوێتتا یا پايتەختێ هەرێما بەلوجيستان روودایە و زيانێن زۆر ب ئاڤاهی و ترۆمبێلێن دەوروبەران گەهاندیە.

عەبدولرەزاق چيما ڕێڤەبەرێ پۆليسێن هەرێما بەلوجيستانێ ژی د زەلالکرنەکێ دا راگەهاندیە، هێرش خۆكوژى بوویە و ژ ئەگەرا روودانا تەقينەكا دي رێکارێن دژۆار گرتنەبەر.

ئەڤە ژی د دەمەکێ دایە، رەوشا ئەولەهیا پاکستانێ نە ئارامە و بەریا نها ژی چەندین تەقین د وی وڵاتی دا روودانە و بوونە سەدەما ژیان ژدەستدان و برینداربوونا چەندین وەلاتیان.