سەرنووچە:

وەزارەتا دارایی دەربارەی پارڤەکرنا مووچەی زەلالکرن دا

هەیا نها چ پارە ل بەغدا بۆ هەرێمێ نەهاتیە
فۆتۆ: 
2020-02-17

3340 جار خوێندراوەتەوە

دیجیتاڵ میدیایا ئێن ئاڕ تى، هەولێر، هێرش قادر

وەزارەتا دارایی راگەهاند، تا نها چ پارە ل بەغدا بۆ هەرێمێ نەهاتیە و ب وێ سەدەمێ ژی پرۆسەیا پارڤەکرنا مووچەی خاڤبوویە و بۆ چارەسەرکرنا ئاریشەیێ د بزاڤان دانە.

ئەحمەد عەبدولرەحمان پەیڤدارێ وەزارەتا دارایی یا هەرێمێ د کۆنفرانسەکێ رۆژنامەڤانیێ دا راگەهاند، سەدەما نەگەهشتنا پارەیێ بەغدا ژبەر رێکارێن ئیدارینە و دگەل حکومەتا فیدرال بۆ چارەسەرکرنا ئاریشەیا نەگەهشتنا پارەی لسەر خەتن.

گۆت ژی، حکومەتا هەرێمێ پشت ب سێ ژێدەران بۆ پێدانا مووچەیێ فەرمانبەران و موچەخۆرێن هەرێمێ گرێددەت ، کو دوو ژێدەرێن  نافخۆیا هەرێمێنە و ژێدەرەک ژی ل بەغدا دهێت.

دەربارەی دامەزراندنا مامۆستایێن گرێبەست گۆت، هەر دەما زانیاری و بەڵگەنامەیێن پێدڤی گەهشتنە وەزارەتا داراییێ، وی دەمی د زووترین دەم دا دامەزراندن دێ هێت جێبەجێکرن کو د قۆناغا داویێ دایە.