سەرنووچە:

شەرقئەوسەت: ئەمریکا گۆتوبێژا دروستکرنا بنگەهەکێ لەشکەری ل هەرێمێ دکەت

ب مەرەما بنەجهکرنا دوو هزار لەشکەران
فۆتۆ: 
2020-01-25

300 جار خوێندراوەتەوە

لگۆر چەند ژێدەرەکان کو ب رۆژنامەیا شەرقئەوسەت راگەهاندیە، ب مەرەما بنەجهکرنا دوو هزار لەشکەران ترەمپ دگەل بەرپرسێن هەرێما کوردستانێ گۆتوبێژا دروستکرنا چەند بنگەهێن لەشکەری کریە.

رۆژنامەیا شەرقئەوسەت ل زارێ چەند بەرپرسێن ئەمریکی ئاشکرا کریە، بۆ رەفتارکرن دگەل داخوازیێن  بەرپرسێن عێراقێ  دەربارێ هەبوونا هێزێن وان د وی وەلاتی دا و پاراستنا پێگەهێ خۆ بۆ ئەگەرا هەر بەرەڤانیەکێ ، چەند پێشنیار لبەردەست ئیدارەیا ترەمپ دانە.

لگۆر رۆژنامەیێ، یەک ژ پێشنیاران گۆتوبێژا زێدەکرنا هەژمارا هێزێن ئەمریکایە ل هەرێما کوردستانێ و گۆتوبێژا وێ مژارێ د گەل بەرپرسێن هەرێمێ دا.

ئاماژە کر ژی، پێشنیار بۆ دروستکرنا چەند خال و بنگەهێن لەشکەری ل نێزیک سلێمانى و باشورێ هەولێر و نێزیک هەڵەبجە هەیە ، و زێدەکرنا هەژمارا هێزێن ئەمریکا ژ ٥٠٠ لەشکەران بۆ دوو هزار  لەشکەران دگەل مانا پێنج هزار لەشکەران د عێراقێ دا.