سەرنووچە:

پەروەردا ئامێدیێ سوبەهی کرە بێهنڤەدان

ژبەر بەفرێ
فۆتۆ: 
2020-01-24

3879 جار خوێندراوەتەوە

دیجیتال میدیایا ئێن ئاڕ تی، ئامێدی، نیهاد ئورەماری

ژبەر بارینا ڕێژەیەکا زێدەیا بەفرێ ڕێڤەبەریا پەروەردا قەزا ئامێدیێ دەواما سوبەهی کرە بێهنڤەدان.

شێروان یاسین بەرپرسێ ڕاگەهاندنا پەروەردا قەزا ئامێدیێ بۆ دیجیتال میدیایا ئێن ئاڕ تی ڕاگەهاند، ژبەر بارینا ڕێژەیەکا زێدەیا بەفرێ سوبەهی ل تەڤاهیا ناڤەندێن خواندنێ یێن سنورێ قەزایا وان بێهنڤەدانا فەرمییە.

ئەڤە ژی پشتی وێ یەکێ هات کو ئەڤرۆ وەزارەتا پەروەردێ ژبەر داکەفتنا پلەیێن گەرمێ و بەفربارینێ، دەستهەلات ب تەڤاهیا ڕێڤەبەریێن گشییێن پارێزگەهان دا کو دکارن ل ناڤەندێن خواندنێ یێن سنورێن خۆ بکەنە بێهنڤەدان.

ژ شەڤا دەربازبوویی ڤە پێلەکا بەفربارینێ سنورێ هەردوو قەزایێن ئاکرێ و ئامێدیێ ڤەگرتیە و هەیا نها ژی بەردەوامە و ژبەر بارینا ڕێژەیەکا زۆرا بەفرێ ژی ئاستەنگا هاتن و چوونێ بۆ چەندین ڕێیان دروست بوویە.

پێشتر سەقاناسیا هەرێمێ بەلاڤکر، کو دێ پێلەکا بەفر و بارانێ سنورێن پارێزگەهێن هەولێر، سلێمانی و دهۆکێ ڤەگریت و باندۆریا وێ پێلێ ژی دێ هەیا ڕۆژا شەمبیێ بەردەوام بیت.

س.م