سەرنووچە:

عێراق.. ژمارا ئاکنجیان ٣٩ ملیۆنان دەربازکریە

فۆتۆ: 
2020-01-24

34 جار خوێندراوەتەوە

وەزارەتا پلاندانانا عێراقێ ژمارەیا ئاکنجیان ئاشکرا کر، کو ٣٩ ملیۆن دەرباز کر و رێژەیا نەخوێندەواران ژی کێم کریە.

عەبدولزەهرە هنداوى پەیڤدارێ وەزارەتا پلاندانانا عێراقێ د راگەهاندنەکێ دا ئاماژە کر، وەزارەتێ ب هەڤبەندی دگەل رێکخراوا ساخلەمیا ناڤدەولەتی، بەردەوام چاڤدێریا رێژەیا نەخوێدەواران و ئاستا تەمەنێ وان ل تەڤایا پارێزگەهێن عێراقێ دا دکەت.

هنداوى بەحسا وێ یەکێ ژی کر، ژمارەیا ئاکنجیین عێراقێ هەیا داویا سالا ٢٠١٩ ێ ٣٩ ملیۆنان دەربازکریە و رێژەیا نەخوێدەواران سەدا ١٣بوویە، کو ٣ ملیۆن و ٧٠٠ هزار کەسن.

ئاماژە کریە ژی، رێژەیا ئەوێن پەیوەندی ب قۆناغا سەرەتایێ کردنە گەهشتیە ژ سەدا ٩٣ و هەڤبەرکرن ب رێژەیا پەیوەندیکرنێ ب قۆناغا ناوەندیێ گەهشتیە ژ سەدا ٥٧.

پەیڤدارێ وەزارەتا پلاندانانێ گۆت ژی، وەزارەتێ بەرهەڤی دەربڕیە، ژ بۆ کو د داویا  ئەڤسال دا سەرژمێریا گشتى ل تەڤایا عێراقێ دا بهێت کرن، هەیا رێژەیا گشتى یا ئاکنجیان و ڕوونشتڤانان ب ڕێیا داتایان لسەر ڕەوشا ژیانا عێراقیان بهێت زانین.