سەرنووچە:

ئاکرێ.. ب سەدەما بەفر بارینێ رێکا چیایێ پیرس هاتە گرتن

فۆتۆ: 
2020-01-24

190 جار خوێندراوەتەوە

ل چەندین دەڤەرێن قەزایێن ئاکری بەفر باریە و ب وێ سەدەمێ ریکا چیایی پیرس هاتیە گرتن.

شکێران زێباری نووچەگەهانێ دیجیتال میدیایا ئێن ئاڕ تى ل ئاکرێ راگەهاند، پێلەکا بەفر بارینێ چەند دەڤەرێن سنورێ ئاکرێ ڤەگرتیە و هەیا نها یا بەردەوامە و هەیا ٣٠سم بەفرێ ل چیایێ پیرس بارینە و ب وێ سەدەمێ ژى رێکێن هاتنوچوونێ هاتنە گرتن.

هەروەسا رێڤەبەریا رێکوپرێن ئاکرێ بۆ دیجیتال میدیایا ئێن ئاڕ تى راگەهاند، بسەدەما بەفر بارینێ رێکا چیایێ پیرس کو رێکا د ناڤبەرا قەزا ئاکرێ و مێرگەسورێ یە هاتیە گرتن، تیمێن رامالینا بەفرێ ئەڤرۆ سپێدی هەیا نها د بەردەوامن لسەر پاقژکرنا ریکێ.

هەروەسا داخواز ژی ژ وەلاتی و شوفێران کر کو بەرەڤ وێ رێکێ ڤە نەچن هەیا دهێتە ڤەکرن.

هەڤدەم پێلەکا بەفربارینێ شەڤا دەربازبووی سنورێ قەزا ئامێدیێ ڤەگرتیە و پتریا رێکێن وێ یێن سەرەکی هاتینە گرتن، ل هندەک دەڤەران ژی نێزیکى ٤٠ سم بەفرێ بارینە.