سەرنووچە:

نێچیرڤان بارزانی: هەیا نها دگەل بەغدایێ لسەر هوورکاریێن رێکەفتنا نەفتێ نەرێکەفتینە

فۆتۆ: 
2020-01-24

215 جار خوێندراوەتەوە

سەرۆکێ هەرێما کوردستانێ راگەهاند، هەیا نها دگەل بەغدایێ لسەر هوورکاریێن رێکەفتنا نەفتێ نەرێکەفتینە، ژبەر وێ یەکێ نەچوویە د بیاڤێ جیبجیکرنێ دا.

نێچیرڤان بارزانی سەرۆکێ هەرێما کوردستانێ د داخۆیانیەکێ دا بۆ ئاژانسا رۆیتەرز راگەهاند، هەرێمێ هێشتا دەست ب جیبجیکرنا رێکەفتنا نوو یا نەفتێ دگەل بەغدایێ نەکریە، ژبەر کو هەیا نها لسەر هوورکاریان نەرێکەفتینە.

سەرۆکێ هەرێمێ دازانین ژی، هەرچەندە ئیمزا لسەر رێکەفتنا دگەل بەغدا هاتیەکرن لێ لسەر هوورکاریان نەریکەفتینە و هەیا نها ژی بەغدا حکومەتا کاربرێکەر هەیە.

ئەڤە ژی د دەمەکێ دایە د سالا دەربازبووی دا پشتی چەند هەرێم و بەغدا جڤیاین راگەهاند، گەهشتینە رێکەفتنێ بۆ بوودجە و مووچە و د هەمبەر دا دێ هەرێم ٢٥٠ هزار بەرمیلێن نەفتێ رادەست کەت.