سەرنووچە:

ئاکرێ.. ل چیایێ پیرس ھژمارەکا ترۆمبێلان د ناڤا بەفرێ دا هاتن دەرئینا

پتری ٤٠ ترۆمبێل بوونە
فۆتۆ: 
2020-01-23

355 جار خوێندراوەتەوە

نووچەگەهانێ دیجیتال میدیایا ئێن ئار تی، ئاکرێ، شکیران زێباری

ژبەر کو پێلەکا بەفرێ چیایێ پیرس ڤەگرت ھژمارەکا ترۆمبێلان د ناڤا بەفرێ دا ئاسێ مابوون و پشترا هاتن دەرئینان

ئەمیر ئەتروشی بەر پرسێ راگەھاندنا باژێرڤانیێن دھۆکێ بۆ ئێن ئار تی راگەهاند، ژبەر کو پێلەکا بەفرێ چیایێ پیرس باری و ئاریشە بۆ شوفێر و وەلاتیان دروستکر،  پتری ٤٠ ترومبێل د بەفرێ دا ئاسێبوون ژ وانان ژی  ١٠ لایێ دینارتە  و ٣٠ ژی لایێ بارزان.

دازانین ژی،  تیمێن باژێرڤانیێ ب زوترین دەم گەھشتنە چیایێ پیرس و شیان ھەموو ترومبێلان دەربینن، داخواز ل ھەموو شوفێرا کر کو ئاگەھدارێ خۆ بن ژبەر کو دەما بەفر دباریت ئاریشە ل چیایێ پیرس دروست دبن و جاددە دھێتە گرتن یان ژی حلیسوک دبیت.

ناڤبری دیارکر ژی کو تیمێن وان دبەرھەڤیاندانە بۆ ھەر بوویەرەکا نەخواستی ل چیایێ پیرس و زێدەتر گۆت، ئەڤ سالە تیمێن مە چەندین جاران رێیا چیایێ پیرس ژ بەفرێ ڤەکریە، چەندین جاران ژی ترۆمێلێن وەلاتیان ئاسێ بوینە و ژلایێ تیمێن مە ھاتینە دەرئینان و رزگارکرن.