سەرنووچە:

سەقاناسیێ دەربارەی پێلا بەفر و بارانێ زەلالکرنێ ددەت

پلەیێن گەرماتیێ دێ داکەڤن
فۆتۆ: 
2020-01-23

1101 جار خوێندراوەتەوە

رێڤەبەراتیا سەقاناسیێ و ئەردهەژا هەرێمێ راگەهاند، ئەڤ شەڤ دێ پێلەکا بارانێ رۆژئاڤایا هەرێمێ دەستپیکەت  و سوبەهی ژی دێ تەڤایا دەڤەرێن هەرێمێ ڤەگریت .

سەقاناسیێ بەلاڤکریە، " دهێتە پێشبینیکرن پشتی نیڤا شەڤێ دێ بارانبارین و بەفربارین رۆژئاڤایا هەرێمێ ڤەگریت  ، و پشترا ئەینیێ دێ تەڤایا دەڤەرێن هەرێمێ ڤەگریت".

زەلال ژی کریە، " بەفر دێ پرانیا قەزا و ناحیان و هەندەک باژاران باریت و پلەیێن گەرماتیێ دێ داکەڤن".

لدیف پیشبینیێن سەقاناسی پێلەکا بەفرێ ل ڕۆژا شەمبیێ ل سەنتەرێ پارێزگەهێن دهۆک و سلێمانیێ و هەلەبچە ڤەگریت و مەودایێ دیتنی دی کێمتر بیت ژ یەک کیلۆمەترێ.

لدیف پێشبینیان ڕۆژا یەکشەمبیێ ژی نزمترین پلەیا گەرمێ بۆ بن سفر پلە نێزیک دبیت کو د سپێدەهیان دا جەمەد دێ دروست بیت.