سەرنووچە:

پۆلیسان داوی زانیاری دەربارەی سێ تەرمێن عەنکاوە ئاشکراکرن

فۆتۆ: 
2020-01-23

755 جار خوێندراوەتەوە

پۆلیسێن عەنکاوە راگەهاند، ژیان ژ دەست دانا وان سێ وەلاتیێن باژارۆکێ وان ب سەدەما سۆپێ بوویە.

فەخرەدین نوری رێڤەبەرێ بنگەهێ پۆلیسێن عەنکاوە راگەهاند،  ئەو سێ کەس کو دایک و کور و کچەک بوونە خەلکێ دەشتا نەینەوا بووینە، ب سەدەما ئاوارەبوونێ زێدەتری دوو سالانە ل عەنکاوە ئاکنجی بوونە، وێ خێزانێ ئاریشەیا جوودابوونێ هەبوویە، چەند جاران زەلامی خواستیە زارۆکێن خۆ ببینیت لێ دەرگەهـ لێ نەهاتیە ڤەکرن.

زەلال ژی کر، دیڤ دا زەلامی پۆلیس ئاگەهدارکرنە ژبۆ دیارنەبوونا وان سێ کەسان، دیڤدا پۆلیس ب بریارا دادگەهێ دچنە وێ مالا و پشتی دەگەهان دشکێنن دبینن کو ئەو سێ کەس یێن د ژووردا و ژیانا خۆ ژدەست دانە، پشتی ڤەکولینان دیاربوو کو ب سەدەما سۆپا نەفتێ ژیانا خۆ ژ دەست دانە.

دایکا وان یا تەمەن ٣٧ سالە و کور تەمەن ١٨ سالە و کچ تەمەن ١٥ سال بوویە.

کوچەر عەبدولا ئەفسەرێ بنگەهێ بەرەڤانیا باژارۆکێ عەنکاوە راگەهاند، بسەدەما داخستنا هەمی دەرگەهـ و پەنجەرێن خانی و نەبوونا چ نەفەسەکێ و نەڤەمراندنا سۆپێ د دەمێ نڤستنێ دا بوویە.