سەرنووچە:

سەقاناسیێ سارترین جهێ هەرێمێ ئاشکراکر

فۆتۆ: 
2020-01-22

920 جار خوێندراوەتەوە

ڕێڤەبەریا گشتییا سەقاناسی و عەردهەژا هەرێما کوردستانێ بەلاڤکر، ئەڤرۆ دەڤەرا حاجی ئۆمەران سارترین دەڤەرا هەرێمێ یە.

سەقاناسیێ بەلاڤکر، ئەڤرۆ چارشەمبیێ ٢٢ێ چلەیا ٢٠٢٠ێ، ل دەڤەرا حاجی ئۆمەران بلندترین پلەیا گەرمێ چار پلە دبن سفرێ دا دبیت، لگۆری ڕووپەلا ئەکیووێزەر، نزمترین پلە ژی ١٠ پلە دبن سفرێ دا دبیت.

دیارکریە ژی، ژبەر باندۆریا بارستەیا هەوایەکێ سار ل تەڤاهیا دەڤەرێن چیاییێن باژارۆک و قەزایان و ل سەنتەرێ پارێزگەهێن سلێمانی و هەلەبجە و دهۆک بەفر دباریت، باندۆریا وێ پێلێ ژی هەیا کو ڕۆژا شەمبی ٢٥ێ ڤێ مەهێ بەردەوام دبیت.

بەحسا وێ یەکێ ژی کریە، دگەل بەفربارینێ مەودایێ دیتنێ کێمدبیت بۆ کێمتر ژ یەک کیلۆمەتر و ڕۆژا یەکشەمبیێ ژی نزمترین پلەیا گەرمێ بۆ بن سفر پلە نێزیک دبیت کو د سپێدەهیان دا جەمەد دێ دروست بیت.

س.م