سەرنووچە:

پۆلیسێن دهۆک دەربارەی بوویەرێن کوشتنێ یێن چەند ڕۆژێن دەربازبووی زەلالکرنەک بەلاڤکر

فۆتۆ: 
2020-01-22

381 جار خوێندراوەتەوە

پۆلیسێن دهۆکێ دەربارەی بوویەرێن کوشتنێ یێن چەند ڕۆژێن دەربازبووی ل سنورێ وێ پارێزگەهێ زەلالکرنەک بەلاڤکر و دازانین، چ ژ وان بوویەران پەیوەندی ب کارێن تیرۆرستی ڤەنەبووینە.

تارق ئەحمەد ڕێڤەبەرێ گشتییێ پۆلیسێن دهۆکێ ئەڤرۆ چارشەمبیێ د کۆنفڕانسەکا ڕۆژنامەڤانی دا ڕاگەهاند، ژ دەستپێکا سالا نوو هەیا نها هەشت بوویەرێن کوشتنێ ل سنورێ پارێزگەها دهۆکێ چێبیوونە کو شەش حالەت ژ وان ل قەزا زاخۆ و دوو یێن دی ژ ل سەنتەرێ باژاڕێ دهۆکێ بوونە.

دەربارەی سەدەمێن بوویەران ڕێڤەبەرێ گشتییێ پۆلیسێن دهۆکێ گوت، "سەدەما پڕانیا وان بوویەران، ئاریشەیێن جڤاکی و خۆ کوشتن بوونە، چ پەیوەندی ب کارێ تیرۆرستی ڤە نەبووینە ".

ئەڤە ژی دەمەکێ دایە، کو د سێ ڕۆژێن حەفتیا دەربازبوویی دا ٧ کەس ل سنورێ پارێزگەها دهۆکێ ب بوویەرێن جۆدا جۆدا هاتنە کوشتن، کو شەش ژ وان ل زاخۆ بوون.

سال ب رێژەیا ئامارێن کوشتن و خۆ کوشتنێ ل هەرێما کوردستانێ زێدەتردبن و وەلاتی ژی ئەگەرێ زۆربوونا ڤان حالەتان بۆ ڕاکرنا چەکێن بێ مۆلەت ڤەدگەڕینن، زێدەباری بڕیارێن قەدەغەکرنا چەکی ژی لێ هەیا نها، ئالیێن پەیوەندیدار نەکارینە چەکی د دەستێن وەلاتیان دا ب تەمامی بنبڕ بکەن.

س.ع