سەرنووچە:

وەزارەتا دارایی یا هەرێمێ دێ گرێبەستا فەرمانبەران نوو کەت

٢٩ هزار فەرمانبەرێن گرێبەست هەنە
فۆتۆ: 
2020-01-22

493 جار خوێندراوەتەوە

وەزارەتا دارایی یا هەرێمێ ڕاگەهاند، وەزیرێ دارایی لسەر نووکرنا تەڤایا گرێبەسـتێن فەرمانبەرێن هەرێما کوردستانێ ڕازیبوویە.

ئەڤرۆ چارشەمبێ (٢٢ چلەیا ٢٠٢٠ێ) وەزارەتا دارایی یا حکومەتا هەرێمێ د ڕاگەهاندنەکێ دا بەلاڤکر، ئاوات جەناب وەزیرێ دارایی ئیمزا لسەر نووکرنا تەڤایا فەرمانبەرێن گرێبەست ل هەموو سازیێن هەرێما کوردستانێ  کریە.

هەڤدەم، دوهی کاوە عەبدولقادر ئەندامێ لیژنەیا یاسایی یا پەڕلەمانێ کوردستانێ ژ فراکسیۆنا نەوەی نوێ، د نڤیسارەکێ داخواز کریە ب لەزترین دەم لیژنەیا یاسایی بجڤیت و ڕاپۆرتا خۆ بۆ سەرۆکایەتیا پەڕلەمانی دەربارەی دامەزراندنا فەرمانبەرێن گرێبەست بلند بکەت.

ئەڤەژی د دەمەکێ دایە، بەریا چەند ڕۆژان فەرمانبەرێن گرێبەست ل تەڤایا باژاڕ و باژێرۆکێن هەرێما کوردستانێ خڕڤەبوون، داخوازا دامەزراندنا هەردەمی دکرن، لگۆڕی ئاماران ژی ٢٩ هزار فەرمانبەرێن گرێبەست ل تەڤایا فەرمانگەهێن هەرێما کوردستانێ هەنە.