سەرنووچە:

سوبەهی دێ مووچەیێ ڤان وەزارەتان هێتە پارڤەکرن

مووچەیێ مەها ١٠ یا سالا دەربازبووییە
فۆتۆ: 
2020-01-21

2901 جار خوێندراوەتەوە

ژێدەرەکێ ژ وەزارەتا داراییا هەرێمێ ڕاگەهاند، سوبەهى چارشەمبێ دێ مووچەیێ چەند وەزارەتان هێتە پارڤەکرن و هەیا ٢٣ێ ڤێ مەهێ ژی دێ مووچەیێ تەڤاهیا وەزارەتان هێتە پارڤەکرن.

ژێدەرەکێ ژ وەزارەتا دارایی و ئابوریا هەرێمێ ڕاگەهاند، سوبەهى چارشەمبێ ٢١ێ چلەیا ٢٠٢٠ێ، دێ مووچەیێ هەریەک ژ وەزارەتێن، باژێرڤانی، ڤەگوهاستن و گەهاندن، کارەبا، پلاندانان، چاندنیێ، ئاڤەدانکرنێ، رۆشنبیری و لاوان، بازرگانی و پیشەسازی هێتە پارڤەکرن.

دیارکر ژی، هەر سوبەهی موچەی مافیێن مرۆڤی، دەستەیا دەستپاقژی، ژینگەهـ، دەزگەهێ مینێ، دەڤەرێن دەرڤەی هەرێمێ، کۆمسیۆنا بلندا هەلبژارتنێ و  سەرۆکایەتیا هەرێمێ، سەرۆکایەتیا جڤاتا وەزیران، سەرۆکایەتیا پەرلەمانی و خانەنشینیا پێشمەرگەی دهێنە پارڤەکرن.

ئەڤ مووچەیێ دهێتە پارڤەکرن، مووچەیێ مەها ١٠ یا سالا دەربازبوویی یە و یازدەمین مووچەیە کو بێ پاشەکەفت دهێتە پارڤەکرن.