سەرنووچە:

تورکیا.. ١٤٨ کۆچبەر هاتنە دەستەسەرکرن

فۆتۆ: 
2020-01-17

201 جار خوێندراوەتەوە

میدیایێن تورکیا ڕاگەهاندن، هێزێن ئەولەهیێ یێن تورکیا ١٤٨ کۆچبەر ل پارێزگەها ئەدیرنە دەستەسەرکرن، کو بزاڤ کرینە ب ئاوایەکێ نەیاسایی بەر ب ولاتێن ئەوروپا ڤە بچن.

میدیایێن تورکیا بەلاڤکرن، "ئەو کۆچبەرە ب ڕەگەز، جەزائیری، عێراقى، ئیرانى، سورى، پاكستانى و مەغريبى بوون".

بەحسا وێ یەکێ ژی کرن، "ژ ئەنجاما گەڕیان ل باژاڕۆکێن مەریچ و کەشان و گوندێن سەر ب سنورێ وان باژاڕان، ئەو کۆچبەرە هاتنە دەستەسەرکرن".

دیارکرینە ژی، "پشتی کو دەزگەهێن ئەولەهیێ ڕێکارێن یاسایی لهەمبەر کۆچبەران تەمامکرنە، ڕادەستی فەرمانگەها کۆچ ل وێ پارێزگەهێ کرینە".

ئەڤە ژی دەمەکێ دایە، دوهی پێنجشەمبیێ میدیایێن تورکیا بەلاڤکرن، کو هێزێن ئەولەهیێ ٣٠٥ کۆچبەر ل باژاڕێ ئەدیرنە دەستەسەرکرینە.

س.م