سەرنووچە:

روسیا: ل سوریا نێزیکی ١٠ هزار تیرۆریست مانە

فۆتۆ: 
2020-01-17

66 جار خوێندراوەتەوە

وەزیرێ دەرڤەیێ روسیا راگەهاند، ل سوریا نێزیکی ١٠ هزار تیرۆریست ل رۆشهەلاتا فوراتێ دانە و ئەرکا دەستپێکی یا روسیا ژی ڕوبروبوونا تیرۆرێ یە.

میدیایێن روسیا بەلافکرن،  سێرگی لاڤرۆڤ وەزیرێ دەرڤەیێ روسیا راگەهاند، دگەل کو کریزێن سوریا پێشکەفتنێن بەرچاڤ بخوڤە دیتنە  و بەرەڤ چارەسەریێ دچیت ، لێ نێزیکی ١٠ هزار تیرۆریست ل رۆژهەلاتا روبارێ فورات ل سوریا هەنە و ئەرکا دەستپێکیا روسیا ژی رووبرووبوونا وانە.

وەزیرێ دەرڤە یێ روسیا راگەهاند ژی ، ئەو دێ ڤەکۆلینێ ژ وان دەنگویان کەن کو بەحس ژ ئازادکرنا چەکدارێن داعش ل زیندانێن د بن دەستێ هێزێن سوریا دیموکرات (هەسەدێ) دا دکەن، کو هەسەدە ب بهایەکێ گونجای ئازاد دکەت.

ئەڤە ژی د دەمەکێ دایە، پشتی کو تورکیا و گرۆپێن چەکدارێن سوریا یێن نێزیک ژ خۆ هێرشا لەشکەری کرنە سەر رۆژئاڤایێ کوردستانێ ، پشترا ب ناڤبەینکاریا روسیا ، هەسەدێ و حکومەتا بەشار ئەسەد لهەڤهاتنەکا لەشکەری کر و ب وێ یەکێ ئارتێشا سوریا بۆ دەڤەرێن سنوریێن ناڤبەرا تورکیا و سوریا ڤەگەریان.