سەرنووچە:

ئەمریکا.. زەلامەکێ سێ گولە ل وی سەرتراشی دان کو پرچا کوڕێ وی چێکری

فۆتۆ: 
2019-12-25

361 جار خوێندراوەتەوە

پۆلسیێن ئەمریکا د بزاڤا دەستەسەرکرنا زەلامەکێ دانە، کو سێ گولە ل سەرتراشەکێ دانە، ژبەر کو پرچا کوڕێ وی یێ ١٣ سالی بدلێ وی چێنەکریە.

میدیایێن ئەمریکا بەلاڤکرن، ل ویلایەتا تەکساسا ئەمریکا بابەکێ ژبەر کو شێوازێ پڕچ چێکرنا کوڕێ خۆ بدل نەبوویە، سێ گولە ل سەرتراشی دانە و ڕەڤیایە، هەڤدەم پۆلیسێن وێ ویلایەتێ ب مەرەما دەستەسەرکرنا وی دیڤدا دگەڕن.

لگۆری زەلالکرنا پۆلیسێن وێ ویلایەتێ، دەنگە دەنگ د ناڤبەرا بابێ وی سنێلەی و سەرتراشی دا دروست بوویە، زێدەباری وێ چەندێ کو سەرتراشی بێ بەرامبەر ئەو بەشێ پرچێ یێ کو بابێ کوڕی ڕەخنە ژێ هەبوویە بۆ چێکریە، لێ داویێ هەر سێ گولە لێدانە و بریندارکریە.

میدیایان بەحسا وێ یەکێ ژی کرنە، د نها دا ڕەوشا ساخلەمیا سەرتراشی یا باشە، ژبەر کو گولە ل جهێن مەترسیدار نەکەفتنە.

س.م