سەرنووچە:

زانیاریێن ٢٦٧ ملیۆن بکارئینەرێن فەیسبووکێ ئاشکرابوون

فۆتۆ: 
2019-12-22

243 جار خوێندراوەتەوە

کۆمپانیا فەیسبووکێ راگەهاند، کو مژوولى ڤەکۆلینێ نە دەربارێ سەدەما بەلاڤبوونا داتایێن هاتینە دزین یێن ٢٦٧ ملیۆن هژمارێن فەیسبووکێ.

پشتى کو حەفتیا دەربازبوویى ل یەک ژ رۆپەلێن چەتێن ئەلیکترۆنى ب ناڤێ کۆمپاریتەکێ زانیاریێن ملیۆنان بکارئینەرێن فەیسبووکێ بەلاڤکرن ، لگۆر نووچەیەکا رۆپەلا فرانس پرێس، کۆمپانیا د نها دا د ڤەکۆلینێ دایە هەیا کو بزانن زانیاریێن وان هەژماران چاوا هاتنە دزین هەیا کو چارەسەریێ بۆ ببینن.

پەیڤدارێ فەیسبووکێ بۆ رۆپەلا فرانس پرێس گوتیە، " دێ ڤەکۆلینێ ل کەیسێ کەن ، لێ د وێ باوەریێ داینە ئەڤ زانیارى بەریا گوهەرتنێن سالا دەربازبوویى دەست بسەردا هاتنە گرتن کو ب مەرەما پاراستنا زانیاریێن خەلکى مە ئەنجام دایە".

د بەلاڤکرنێ دا ناڤ و هەژمارێن تەلەفۆن و پاسوۆردێن بکارئینەران تیدابوونە ، رۆژا پێنجشەمبیێ کۆمپانیا فەیسبووکێ هاتە هایدارکرن ، داخوازێ ژى ل بکارئینەران دکەت ب زووترین دەم پاسواردێن خۆ بگوهرن.