سەرنووچە:

سەلیم شوشکەیی: بەشەک ژ ئالیێن شیعەیان و ئیران لسەر بەربژارێ سەرۆک وەزیران لهەڤهاتنە

فۆتۆ: 
2019-12-15

394 جار خوێندراوەتەوە

پەرلەمانتارەکێ عێراقێ ڕاگەهاند، ئالیێن شیعەیان و ئیران لسەر بەربژارکرنا محەمەد شیاع سودانی بۆ پۆستێ سەرۆک وەزیرێ نوو لهەڤهاتنە.

سەلیم شوشکەیی ئەندامێ پەرلەمانێ عێراقێ د بەرنامەیێ تاوتوێ یێ ئێن ئاڕ تی دا دازانین، "دەستنیشانکرنا سەرۆک وەزیرەکێ نوو د ڤێ ڕەوشا نهایا عێراقێ دا ساناهی نینە".

دیارکریە ژی، "هەرچەندە چ دۆسیەیەکا گەندەلیێ لسەر سودانی ساخ نەبوویە، لێ ژ ئالیێ خەلکی و بەشەک ژ ئالیێن شیعەیان ڤە دهێتە ڕەتکرن".

ئەڤە ژی دەمەکێ دایە، خۆنیشاندەران ل باژاڕێ عەمارە یێ ناڤەندا پارێزگەها میسان ل باشورێ عێراقێ ئاگر بەردا مالا محەمەد شیاع سودانی کو هاتیە بەربژارکرن بۆ پۆستێ سەرۆک وەزیرێ داهاتیێ عێراقێ.

ژ ڕۆژا دەست ژ کارکێشانا عادل عەبدولمەهدی، لگۆری دەستوری پێدڤیە سەرۆک کۆمار د دەما ١٥ ڕۆژان دا کەسەکێ دی بۆ پێکئینانا حکومەتێ ئەرکدار بکەت، کو سوبەهی دووشەمبیێ دەمژمێر ١٢ێ شەڤێ ئەو دەمە بداوی دهێت.

س.م