سەرنووچە:

شاسوار عەبدولواحید: پشتەڤانیا جڤاکا ناڤدەولەتی بۆ هەلبژارتنەکا پاقژ گەلەک گرنگە

د چارچۆڤەیێ پێشوازی کرن ل کونسولێ چەند وەلاتان دا
فۆتۆ: 
2019-12-15

370 جار خوێندراوەتەوە

شاسوار عەبدولواحید سەرۆکێ ڤەلڤینا نەوەی نوێ د چارچۆڤەیێ پێشوازی کرن ل کونسولێ گشتیێن هەریەک ژ ئەمریکا و بەریتانیا و ئەلمانیا و ژاپۆن راگەهاند، دیارکرنا کۆمسیۆنەکا نوویا سەربەخۆیا هەلبژارتنان، گرەنتیا ئەنجامدانا هەلبژارتنەکا پاقژ و هەروەسا ڤەگەڕاندنا باوەریێ یە بۆ وەلاتیان و هاندانا وانە بۆ دەنگدانێ.

شاسوار عەبدولواحید سەرۆکێ ڤەلڤینا نەوەی نوێ، ل ئۆفیسا خۆیا سەرەکی ل باژاڕێ هەولێرێ، ب جودا پێشواری ل هەریەک ژ ستیڤ فەیگن کونسولێ گشتیێ ئەمریکا و جەیمس سۆرنتۆن کونسولێن گشتیێ بەریتانیا و بەربەرە ۆڵف کونسولێ گشتیێ ئەلمانیا و کاتسومی مۆریاسو کۆنسولێ گشتیێ ژاپۆنێ ل هەرێما کوردستانێ کر.

د جڤینێ دا سەرۆکێ ڤەلڤینا نەوەی نوێ بەحسا قۆناغا نها یا عێراقێ و هەرێما کوردستانێ و خۆنیشاندانێن ناڤەڕاست و باشورێ عێراقێ کر.

زەلالکر ژی، دیارکرنا کۆمسیۆنەکا نوو یا سەربەخۆیا هەلبژارتنان، گرەنتیا ئەنجامدانا هەلبژارتنەکا پاقژ و هەروەسا ڤەگەڕاندنا هیڤیێ و باوەریێ یە بۆ وەلاتیان و هاندانا وانە  بۆ دەنگدانێ.

شاسوار عەبدولواحید بەحسێ ئەنجامدانا هەلبژارتنەکا پاقژ د داهاتی دا کر و ڕاگەهاند، پشتەڤانیا جڤاکا ناڤدەولەتی بۆ هەلبژاردنەکا پاکژ زێدە گرنگە.

س.ع