سەرنووچە:

دەما گرێدانا کۆنگرەیا یەکگرتوویا ئیسلامی هاتە ئاشکراکرن

د رۆژێن داویا ئەڤ سال دا
فۆتۆ: 
2019-12-14

306 جار خوێندراوەتەوە

جڤاتا سەرکرداتیا یەکگرتوویا ئیسلامی راگەهاند، د رۆژێن داویا ئەڤ سال دا دێ کۆنگرەیێ هەشتێ یێ وێ حزبێ هێتە گرێدان.

ئەڤرۆ ١٤ێ کانونا ٢٠١٩ێ جڤاتا سەرکرداتیا یەکگرتوویا ئیسلامیا کوردستان جڤیا و بەیاننامەیەک بەلاڤکر و تێدا، ژبلى کو بەحسا سەرکەفتنا بەرهەڤیێن کۆنفرانسێن حزبا خۆ بۆ کۆنگرەى کرن، هەڤدەم دەما بەستنا کۆنگرەى ژى ب چەند رۆژان بەریا داویا ئەڤ سال دیارکریە.

هەر د بەیاننامەیێ دا هاتیە، د جڤینێ دا دەستپێکێ راپۆرتا کۆنفرانسان ژ ئالیێ لیژنەیێ ڤە هاتە بەرچاڤکرن کو د دەما حەفتیا دەربازبوویى دا د چار کۆنفرانسان دا بۆ تەڤاهیا ئەندامێن کۆنگرەى ل باژارێن ( دهۆك و سلێمانی و هه‌ڵه‌بجه‌ و هه‌ولێر ) هاتن لدارخستن و ب سەرکەفتیانە کارنامەیا کۆنفرانسێ هاتە ئەنجام دان.