سەرنووچە:

پەرلەمانتارەک: زێدەتری ١٠ھزار خودان ماستەر و دکتۆرا ل عێراقێ بێکارن

فۆتۆ: 
2019-12-14

333 جار خوێندراوەتەوە

پەرلەمانتارەکێ عێراقێ ڕاگەهاند، ١٠ ھزار و ٥٠٠ خودان ماستەر و دکتۆرا چ دەلیڤەیەکا کاری بۆ وان ل عێراقێ نینە.

ڕێبوار کەریم، پەڕلەمانتارێ عێراقێ د بەرنامەیێ تاوتوێ یا ئێن ئاڕ تی دا ڕاگەهاند، لگۆڕەی ئامارەکێ بۆ وی بخۆ ل بەغدا هاتیە، د کەرتێ خاندنا بلند دا ١٠ ھزار و ٥٠٠ خودان ماستەر و دکتۆرا ل عێراقێ چ دەلیڤەیەکا کاری بۆ وان نینە و بێ کارن.

بەحسا وێ یەکێ ژی کر،" پڕانیا ئەوێن کو ل باشور و خواریا عێراقێ ھاتنە سەر جادەیان، خەلکێ بێکارن".

دەربارەی ڕەوشا هەرێما کوردستانێ ژی دیارکر، دەهان هزار دەرچوویێن خاندنا بلند ل هەرێمێ هەنە و بێکارن، هەروەسا هەر لسەر ڤێ یەکێ  بەرپرسەکێ حکومەتا هەرێمێ ژی ب وی گۆتیە، کو حکومەتا هەرێمێ چ پلانەکا زەلال بۆ دامەزراندن یا ڕەخساندنا دەلیڤەیا کاری بۆ وان دەرچوویان نیە.

ئەڤەژی د دەمەکێ دایە، ژ دەستپێکا جۆتمەها ئەڤسالە  خۆنیشاندان و نەڕازیبوونێن وەلاتیێن ناڤەڕاست و باشورێ عێراقێ دەستپێکریە و ژ دەستپێکا خۆنیشاندانان هەیا نها، ٤٩٢ کەس هاتنە کوشتن و  زێدەتری ١٧ هزار کەسێن دی ژی برینداربوون.

س.ع