سەرنووچە:

ڤیدیۆ.. شڤان پەروەر سترانەک نیشتیمانی بەلاڤکر

فۆتۆ: 
2019-12-14

1823 جار خوێندراوەتەوە

هونەرمەندێ سترانبێژ شڤان پەروەر سترانەکا نیشتیمانی بناڤێ "BOMBALA" بەلاڤکر.

ب ڕێیا چانەلێ خۆ یێ تایبەت لسەر تویتەری هونەرمەند شڤان پەروەر نووترین ستران بەلاڤکر، کو سترانەک نیشتیمانییە و ب دیالێکتا کورمانجی و زمانێ تورکی دبێژیت و بەحسا چار پارچەیێن کوردستانێ دکەت، کو نها دبن گەفا داگیرکاری و کاڤلکرنێ دایە.

د کلیپێ دا بەشەک ژ دیمەنێن بۆمبەبارانکرن و هێرشا چەکداری و ئاوارەبوونا کوردێن هەر چار پارچەیێن کوردستانێ تێدانە، هەروەسا بەحسا بەرخودانا کوردان و وان نەخۆشیێن ب درێژاهیا دیرۆکێ بسەردا هاتین دکەت.

ئەڤ کلیپە وەک پەیامەکێ یە بۆ تورکیا بۆ وان هێرشێن حکومەتا تورکیا دکەتە سەر ڕۆژئاڤایێ کوردستانێ و د پشکەکا تێکستا سترانا خۆ دا دبێژیت، "شڤان پەروەر هەوە هایدار دکەت، هەوە ئەم گەلەک ئازار داین بەسە!، ئێدی بەسە، ئەگەر ب ڤی ڕەنگی بەردەوام بن، خرابتر د ڕێ دایە و ئێدی بەسە".

س.م