سەرنووچە:

حکومەتا عێراقێ: هنارتنا پرۆژەیاسایا بودجەى بۆ پەرلەمانى ئاریشێن یاسای هەنە

فۆتۆ: 
2019-12-14

487 جار خوێندراوەتەوە

پەیڤدارێ سەرۆکاتیا حکومەتا عێراقێ راگەهاند، هنارتنا پرۆژە یاسایا بوودجەیێ ٢٠٢٠یێ عێراقێ بۆ پەرلەمانى ژ ئالیێ حکومەتێ ڤە، ئاریشێن یاسایی هەنە و دخوازن دەرگەهەکێ بۆ چارەسەریێ ببینن.

سەعد حەدیسی ب رۆژنامەیا سەباح یا عێراقی راگەهاند، حکومەت یا رژدە لسەر بلەزکرنا هنارتنا پرۆژە یاسایا بوودجێ ٢٠٢٠ێ بۆ پەرلەمانى، گیرووبوونا پرۆژەی ژى ڤەدگەریتەڤە بۆ چەند گوهەرتنان کو تیدا شایستێن دارایی و جیبجیکرنا بریارێن حکومەتێ لسەر داخوازیێن خونیشاندەران.

دازانین ژى، ژبەر کو حکومەت د دەما بەرهەڤکرنا پرۆژە یاسایی دا بوویە حکومەتا کاربریکەر، بابەتێن سیاسی پەیدابوونە و کو ئەرێ حکومەتێ چ رێگرییەکا یاسایی نینە ژ هنارتنا پرۆژەیێ بوودجەی بۆ پەرلەمانى؟، ئەگەر رێگری هەبیت وى دەمی د هنارتنا وى پرۆژەی بۆ کابینا داهاتی دێ هێلن  کو چێدبیت پێکئینانا وێ گیروو ببیت و دی باندورى لسەر خەرجیێن حکومەتی بیت.

گوت ژى، حکومەتا کاربرێکەر لدیف دەستورى بتنی نکاریتت دوو کاران بکەت، ئەو ژى دەستهەلاتێن تایبەت بۆ بەرهەڤیێن پرۆژە یاسایان بکارنائینیت و دەستهەلات نینە گریبەست و رێکەفتنێن دەرەکی بکەت، ژبلی فێ یەکی دکاریت هەمى دەستهەلاتان بکاربینیت وەک برێڤەبرنا کارێن رۆژانە ژ ئالیێ ئیداریی و دارایی و خزمەتگوزاریێن وەلاتیان.

م.ن