سەرنووچە:

دهۆک.. د دوو بوویەرێن هاتنوچوونێ دا ١٣ کەس برینداربوون

د بوویەرەکێ دا  سێ تڕۆمبێلان لێکدانە
یەک ژ بوویەرێن هاتنوچوونێ ل دهۆكێ
فۆتۆ: ئەرشیف
2019-12-13

1114 جار خوێندراوەتەوە

دیجیتال میدیایا ئێن ئاڕ تی، دهۆک، بێوار حلمی

د بوویەرێن هاتنوچوونێ دا لسەر ڕێیا دهۆک بۆ باعەدرێ ١٣ کەس برینداربوون.

ئازاد تاها پەیڤدارێ هاتنوچوونا دهۆکێ بۆ دیجیتال میدیایا ئێن ئاڕ تی ڕاگەهاند، ئێڤاریا ئەڤرۆ ئەینیێ ١٣ێ کانونا ٢٠١٩ێ لسەر ڕێیا دهۆک بۆ باعەدرێ، سێ تڕۆمبێلان لێکدان و د ئەنجامێ دا پێنج کەس برینداربوون.

هەڤدەم نووچەگەهانێ دیجیتال میدیایا ئێن ئاڕ تی دازانین، هەر ئێڤاریا ئەڤرۆ دوویەم بوویەرا هاتنوچوونێ لسەر ڕێیا دهۆک – باعەدرێ د ناڤبەرا دوو تڕۆمبێلان ژ جورێن پیکاب و شوفڕلێت ئەڤیۆ دا ڕوودا، تێدا ٨ کەس برینداربوون.

بەحسا وێ یەکێ ژی کر، هەر ١٣ بریندارێن هەردوو بوویەران ب مەرەما پێدانا چارەسەریێ بۆ نەخۆشخانەیا تەنگاڤیان یا دهۆکێ هاتنە ڤەگوهاستن.

ئەڤە ژی دەمەکێ دایە، هەر شەڤا دەربازبوویی ل سەنتەرێ باژاڕێ دهۆكێ بوویەرەکا هاتنوچوونێ د ناڤبەرا دوو تڕۆمبێلان دا روو دا و د ئەنجامێ دا پێنج کەس برینداربوون.

لگۆری ئامارێن هاتنوچوونا دهۆکێ د حەفت مەهێن دەستپێکا ئەڤ سالە دا ل سنورێ پارێزگەها دهۆکێ ٥٩٤ بوویەرێن هاتنووچوونێ ڕوودانە، ب وێ سەدەمێ ژی ٥٦ کەسان جانێ خۆ ژ دەستدانە و ٦٠٨ کەس ژی برینداربوونە.

س.م