سەرنووچە:

مەزلوم کۆبانى: بڕیارا ئاکنجیکرنا ملیۆنەکا ئاوارەیان ل دەڤەرێن کوردى مەترسیدارە

واتەیا گۆهەرتنا دیمۆگرافیا دەڤەرێیە
فۆتۆ: 
2019-12-11

142 جار خوێندراوەتەوە

فەرماندێ گشتى یێ هێزێن سوریا دیموکرات (هەسەدە) راگەهاند، بریارا سەرۆک کۆمارێ تورکیا بۆ ئاکنجیکرنا ملیۆنەکا ئاوارەیان ل دەڤەرێن کوردى مەترسیدارە.

مەزلوم کۆبانى فەرماندێ گشتى یێ هێزێن سوریا دیموکرات (هەسەدە) د تۆرا جڤاکیا تویتەرێ دا بەلاڤکریە، ئەم داخوازێ ل وەلاتێن ئەمریکا و رۆسیا دکەین رێگریێ ل گوهەرتنا دیموگرافیێ بکەن ژبەر کو ئەو بەرپرسیارێن لهەڤهاتنا ئاگربەستێنە ل سوریا و ئاکنجیکرنا ملیۆنەکا ئاوارەیان ل دەڤەرێن گرێ سپى و سەرێکانیێ ب واتەیا گۆهەرتنا دیمۆگرافیا دەڤەرێ دهێت.

ئاماژە ژى کر، " داخوازێ ل ئەمریکا و رۆسیا دکەین دەربارێ وێ یەکێ ب ئەرکێ خۆ رابن و رێگریێ ژ وێ پێنگاڤێ بکەن و ل شونا وێ یەکێ رێخوشکرنێ بۆ ڤەگەراندنا وان وەلاتیان بۆ دەڤەرێن وان بکەن".

ئەڤە ژى پشتى وێ یەکێ هات، رەجەب تەیب ئەردۆغان سەرۆک کۆماری تورکیا راگەهاندبوو، تورکیا دێ پرۆژەیێ یەکەیێن ئاکنجیبوونێ بۆ زێدەتر یەک ملیۆن ئاوارەیان ئێخیتە د بیاڤێ جێبەجێکرنێ دا.