سەرنووچە:

پارێزەرێ ئێن ئاڕ تی: ڕێ ب سەردانکرنا شوان عادل د زیندانێ دا ناهێتە دان

فۆتۆ: 
2019-12-08

344 جار خوێندراوەتەوە

پارێزەرێ ئێن ئاڕ تی ڕاگەهاند، ڕێ ب کەس و کار و هەڤال و هەڤکارێن شوان عادل ناهێتە دان سەرەدانا وی د زیندانێ دا بکەن.

پارێزەر و بەرپرسێن کەنالێ ئێن ئاڕ تی ژی  ڕاگەهاندن، ژ بلێ کو ڕێ ژ سەرەدانا وی دهێتە گرتن، هەڤدەم شوان عادل ل گرتن و ڤەگوهاستنا سلێمانیێ د گرتیگەها مەعەسکەر سەلام هاتیە زیندانی کرن و  ئێخستیە هۆلەکێ کو ٦٠ بۆ ٧٠ کەس تێدانە  و هەریەکە ژ وان ب تۆهمەتێن جودا هاتنە دەستەسەرکرن.

ئەڤرۆ یەکشەمبێ، شوان عادل لسەر سکالایا سەرۆکێ زانینگەها سلێمانیێ، چوویە هەمبەری دادگەها ڤەکۆلینا سلێمانیێ، دیڤدا دادوەری بڕیاردا بۆ دەمێ دوو حەفتیان بهێتە دەستەسەرکرن.

ئەڤەژی د دەمەکێ دایە، بەریا نها ئێن ئاڕ تی ڕاپۆرتەک بەلاڤکر کو تێدا، بەحس ژ بەلاڤکرنا چەند ڤەکۆلینان کریە کو ژ ئالیێ سەرۆکێ زانینگەها سلێمانیێ د کۆڤارەکا ساختە دا و ب مەرەما بلندکرنا پلەیا زانستیا وی هاتیە بەلاڤکرن.