سەرنووچە:

​ئەمریکا.. شەش لەشکەرێ سعودیە هاتنە دەستەسەرکرن

ب سەدەما وێنەگرتنا دەمێ هێرشێ
فۆتۆ: 
2019-12-08

274 جار خوێندراوەتەوە

پشتی وێ یەکێ کو رۆژا ئەینێ ل بنگەهێ لەشکەریێ فلۆریدا لەشکەرێکی سعودی تەقە ل هەژمارەکا لەشکەرێن ئەمریکی کر و دیڤدا ب خۆ ژی هاتە کوشتن ، میدیایێن ئەمریکا بەلاڤکریە ب سەدەما وێ هێرشێ شەش لەشکەرێن سعودیێ هاتنە دەستەسەرکرن.

لگۆرەی نوچەیەکا نیۆرک تایمز سێ ژ وان لەشکەرێن سعودی مژیلی وێنەگرتنا دەمێ هێرشێ بووینە، د دەمەکێ دا سێ لەشکەرێن ئەمریکی هاتنە کوشتن و ٨ دی ژی بریندا بوون.

محەمەد سەعید، شەمرانی ئەو لەشکەرێ سعودیە کو دەستڕێژا گولـلەیان ژ لەشکەرێن ئەمریکی کربوون، ب تەقەیێ زێڕەڤانێ بنگەهێ فلۆریدا هاتبوو کوشتن.

 زێدەباری وێ یەکێ کو هەژمارەکا توێتەران بابەتێن دژی ئەمریکا تێدا دهاتنە بەلاڤدکرن گومان دهێتەکرن خودانێ شەمرانی بیت، لێ وەزیرێ بەڕەڤانیێ ئەمریکا ڕاگەهاند، د نها دا نکارین بێژین ئەو هێرش تیرۆرستی بوویە و دێ چاڤەڕیێ  تەمامبوونا ڤەکۆلیانان کەین.

بنگەهێ لەشکەریێ فلۆریدا ١٦ هزار لەشکەر و ٧ هزار و ٤٠٠ کارمەندێن سڤیل تێدانە و بەشەک ژلەشکەرێن سعودیە و چەند وەلاتێن دیێن هەڤپەیمانێن ئەمریکا ژی ب مەرەما ڕاهێنان د وی بنگەهی دانە.