سەرنووچە:

وەزارەتا دارایی: ئەم دێ بەرپرسیارەتیا مووچەیێ نەدای و پاشەکەفتکری هەلگرین

مووچەیێ پاشەکەفتکریێ فەرمانبەران
فۆتۆ: 
2019-12-05

1191 جار خوێندراوەتەوە

وەزارەتا دارایی ڕاگەهاند، حکومەتا هەرێمێ و وەزارەتا داراییا وێ، دێ بەرپرسیارەتیا هەموو مووچەیێن نەدای و پاشەکەفتکری هەلگرن.

وەزارەتا داراییا هەرێمێ زەلالکرنەک دەربارەی پسیارەکا نووچەگەهانەکێ بەلاڤکر، کو د کۆنفرانسا ڕۆژنامەڤانیا ئەڤرۆ دا بەحسا سێ مووچەیێن قەڕێن فەرمانبەران یێن ل دەف حکومەتێ کر، پشتڕا سەرۆکێ شاندا هەرێمێ بۆ دۆسیەیا نەفت و بودجەی زانیاری بۆ ڕاستڤەکر کو سێ مووچە نینە، بەلکو حکومەت مووچەیێ هەشت مەهێن فەرمانبەران و ١٢ مەهێن خانەنشینان قەردارە.

د زەلالکرنێ دا وەزارەتا دارایی بەحسا وێ یەکێ ژی کریە، "نە ڕۆژنامەڤان و نە جەنابێ وەزیری چ بەحسا مووچەیێن نەتەمام نەکریە کو ب ڕێژەیێن جودا ب پاشەکەفت هاتنە پارڤەکرن".

ئەو یەک ژی دازانین، زێدەباری وێ یەکێ مووچەیێن نەدای و پاشەکەفتکری هەر چەند د سەردەمێ کابینەیا وان دا نەبوویە، لێ حکومەتا هەرێما کوردستانێ و وەزارەتا دارایی و ئابووری دێ بەرپرسیارەتیا هەموویان هەلگریت.

ئەڤرۆ ئاوات شێخ جەناب وەزیرێ داراییا حکومەتا هەرێمێ د کۆنفراسەکا ڕۆژنامەڤانی دا ڕاگەهاند، دگەل حکومەتا عێراقێ لهەڤهاتنە ئەگەر بودجەیێ عێراقێ وەک خۆ ل پەرلەمانی بهێتە پەسەندکرن وی دەمی ئاریشەیا درەنگ پارڤەکرنا مووچەی نامینیت.

س.م