سەرنووچە:

عێراق.. دادگەهەکا تایبەت بۆ لێپرسینا گەندەلکاران هاتیە پێکئینان

فۆتۆ: 
2019-12-05

311 جار خوێندراوەتەوە

پەیڤدارێ حکومەتا عێراقێ راگەهاند، دادگەهەکا تایبەت ب دوسیێن گەندەلیێ هاتیە پێکئینان و ئەو دادگەهـا دوسیا دادوەرى بۆ لێپرسین ژ دوسیێن بەرپرسێن گەندەل بۆ هەمى دادگەهێن عێراقێ دکەن.

سەعد حەدیسی پەیڤدارێ حکومەتا عێراقێ بۆ میدیایان ئاشکراکر، جڤاتا بلند دادوەرى ل عێراقێ دادگەهەکا تایبەت پێکئینایە کو بتنێ کارێ وان دێ دیفچوونا دوسیێن گەندەلیێ و لێپرسینا ژ وان بەرپرسان یێن تێکەلی گەندەلیێ بوون، حەدیسی گوت ژى، "دادگەهـ یا تایبەتە و د نها دا ٨ هزار دوسیێن گەندەلیێ د بەردەست دانە و فەرمانا گرتن و رێگریکرن ژ چوون بۆ دەرڤەى عێراقێ دەرکریە، فەرمانا دەستەسەرکرنێ بۆ بەرپرسێن نها و بەرى نها دەرچوویە".

پەیڤدارێ حکومەتێ گوت ژى "ئەو دادگەهە ب باشی کارێ خۆ برێڤەدبەن و چ بەرپرسەکێ گەندەل ژى ژ دەستێن دادگەهێ دەربازنابیت.

ژ ئالیێ خۆ ڤەسەعید یاسین موسا ئەندامێ جڤاتا بلند یێ نەهێلانا گەندەلیێ راگەهاند، دەستەیا دەستپاقژیا عێراقێ ٢١ هزار دوسیێن گەندەلیێ د بەردەستێ وان دانە و دادگەها تایبەت ب دوسیێن گەندەلیێ ڤە کار لسەر ٨ هزار ژ وان دوسیان کریە، چار هزار دوسی ژى د نها دا کار تێدا د هێتە کرنکو بەرپرسێن حکومى یێن ڤێ کابینێ و کابینەیێن بەرى نها تێدانە.