سەرنووچە:

مفایێن هێکا کەلاندی بۆ ساخلەمیێ چنە؟

فۆتۆ: 
2019-12-01

724 جار خوێندراوەتەوە

هێک خوارنەکا گەلەک بەربەلاڤە ل هەرێما کوردستانێ و جیهانێ، ب تایبەت د تێشتێن سپێدەهیان دا. مفایەکێ زێدە بۆ ساخلەمیا مرۆڤان هەیە، ژبەر هەبوونا ڕێژەیەکا باش یا ڤیتامین، کانزا، پڕۆتین و ڕوونێ ب مفا.

د بابەتەکێ ساخلەمیێ دا لەشکر حەمید ئەندازیارێ خوارن و سەرپەرشتیارێ لیژنەیا ساخلەمیێ دیارکریە، مفایێ هێکا کەلاندی گەلەکە بۆ ساخلەمیا مرۆڤان ژبەر هەبوونا ڤیتامینێن جۆر ب جۆر وەک ڤیتامین (A , B5 , B12 , B2) و کانزایێن مفادار وەک کالسیۆم، زینک، سلینیۆم و ئۆمێگا ٣، هەروەسا د یەک هێکێ دا ٧٧ کالۆری و ٦گم پڕۆتین و ٥گم-ێن ڕوونێ مفادار هەنە.

بەشەک ژ مفایێن هێکا کەلاندی بۆ ساخلەمیا مرۆڤان:

١. بهێزکرنا مەژی

خوارنا هێکێ دبیتە سەدەما بهێزکرن و سەلامەتیا مەژی، ژبەر هەبوونا ڕێژەیەکا زێدە یا مادەیێ کۆلین کو کار لسەر کێمکرنا هەوکرن (ئیلتیهاب)ا مەژی دکەت.

٢. سەلامەتیا بچیکی د زکێ دایکێ دا دپارێزیت

ژبەر هەبوونا ڕێژەیەکا زۆر یا پڕۆتینان کو پالنەرێ سەرەکیە بۆ گەشەبوونا بچیکی و خانەیێن لەشی د دەما دروستبوونا وی دا، هەروەسا سەدەما گەشەبوونا ناڤەکی و دەرەکییە ب ئاوایەکێ تامام و دوور ژ نەخۆشیێ.

٣. بهێزکرنا هەستی

هێکا کەلاندی ڕێژەیەکا باش یا کالسیۆمێ تێدایە کو هەستیێ مرۆڤان بهێز دکەت، هەروەسا ڕێگریێ ژ شکەستنا هەستیان دکەت.

٤. ڕێگریا کێمبوونا خوینێ دکەت

هێکا کەلاندی ڕێگرە ژ کێمبوونا ڕێژەیا خوینێ د خانەیێن بازنێن سور و هیمۆگلۆبینێ د لەشی دا.

٥. ساخلەمی و جوانکرنا پێستی

هێکا کەلاندی ڕێژەیەکا زێدە یا دژە ئۆکسانێ تێدا هەیە، کو کاردکەت بۆ هەڤئاویکرنا ڕهێن ئازاد و بدەستخستنا پێستەکێ جوان و پاقژکرنێ.

ڕهێن ئازاد چنە؟، پێکدهێن ژ چەند خانەیێن ئەلکترونیێن گەروک د ناڤ بەشێن جودایێن لەشی دا کو بزاڤان دکەن هند خانەیێن دی ل دەردورا خۆ کۆم بکەن و پشترا کارلێکێ دگەل چەند پێکهاتەیێن دی ئێن ئەی یا مرۆڤی دکەن و دبنە سەدەما دروست بوونا خانەیێن نەخۆش و پەنجەشێرێ.

س.م