سەرنووچە:

دهۆک.. بۆ پشتەڤانیکرن ژ دامەزراندنا نۆژدارێن ددانا داخوازا خرڤەبوونەکێ دهێتە کرن

سەندیکایا نۆژدارێن ددانان لقێ دهۆک بەیاننامەک بەلاڤکر
فۆتۆ: 
2019-11-19

369 جار خوێندراوەتەوە

سەندیکایا نۆژدارێن ددانان ل دهۆکێ بۆ پشتەڤانیکرن ژ دامەزراندنا نۆژدارێن ددانان داخوازا خرڤەبوونێ دکەن.

سەندیکایا نۆژدارێن ددانان یا کوردستانێ لقێ دهۆک دەربارێ داخوازیێن نۆژدارێن ددانان یێن نەدامەزراندى بەیاننامەک بەلاڤکر و راگەهاند، " ئەو داخوازیێن وان ب رەوا دبینن و پشتەڤانیێ لێ دکەن".

هەر د بەیاننامێ دا هاتیە ژى ، " نۆژدارێن نەهاتینە دامەزراندن مافێ وان یێ یاسایە کو بهێنە دامەزراندن کو ئەف یەک کێمترین مافێ وانە"

هەروەسا دیار کریە، وەک پشتەڤانیەک داخوازا تەڤاهیا نۆژدارێن ددانان دکەن کو ل رۆژا چارشەمبیێ ٢٠ێ ١١ێ ٢٠١٩ێ  کلینیکێن خۆ یێن تایبەت دابێخن و ل دەمژمێر سێ ئێڤارى ل پارکا بارزانى بۆ دەستخستنا مافێن نۆژدارێن ددنان یێن نەدامەزراندى خرڤەبوونەکێ ئەنجام بدەن.