سەرنووچە:

دهۆک.. دیدارا ئاشتى و ئاسایشا رۆژهەلاتا ناڤەراست برێڤەدچیت

فۆتۆ: 
2019-11-19

244 جار خوێندراوەتەوە

دیدارا ئاشتى و ئاسایشا رۆژهەلاتا ناڤەراست ل زانینگەها ئەمریکیا کوردستانێ ل دهۆکێ برێڤەدچیت و بۆ دەما دوو رۆژان دێ بەردەوامبیت.

قوباد تالەبانى جێگرێ سەرۆک وەزیرێ هەرێما کوردستانێ  د یەکەم رۆژا دیدارێ دا بەرهەڤبوو و راگەهاند، ئەو رەوشا نها یا ل عێراقێ درۆستبووى ب سەدەما هەڤرکیێن نافخۆ بوویە و خەلکێ عێراقێ ژى داخوازا خزمەتگۆزاریا و ژیانەکا خۆش دکەن و هەڤرکیێن دەڤەرێ ژى باندۆر لسەر رەوشا عێراقێ هەبوویە.

قوباد تالەبانى دەربارێ کوردستانێ ئەو یەک ژى دا زانین، " د سالا ٢٠١٤ێ دا کوردستان رووبرووى زێدە کریزان بوو و عێراقێ د خرابترین رەوش دا بوودجەیا هەرێمێ بڕیە ، شەرێ داعش شووک بۆ بۆ عێراق و هەرێمێ ژى و ژشترا هەژمارەکا زێدەیا پەنابەران دەربازى هەرێمێ بوون وەکو دهۆکێ کو پێشوازى ل هەژمارەکا زێدە یا پەنابەران کریە ، یەک ژ ئاریشێن دى داکەتنا بەهایێ نەفتێ بوویە و ڤێ یەکێ وەها کر قەبارێ بوودجەیێ مە کێم ببیت ، هەروەسا کریزا سیاسى ژى مە هەبوویە و هندەک جاران وەها دکر کو رووبرووى رەوشەکا پێشبینیى نەکرى ببین".

 قوباد تالەبانی ئەو یەک ژى گوت ،" کو دڤێت حکومەتا عێراقێ خزمەتەکا زێدەتر پێشکێشى خەلکى بکەت  و دگەل کەرتێ تایبەت هەماهەنگیا زێدەتر هەبیت ژبۆ وان ئاریشێن هەین چارەسەر بکەت و دەرفەتا کارى یا زێدەتر دابین بکەت".

ئەڤە د دەمەکێ دایە ، کو د دیدارێ دا هه‌ژماره‌كا به‌رپرسێن ئاست بلند یێن حكومه‌تا هه‌رێمێ، بسپۆر و سیاسه‌تمه‌دارێن ناڤخۆ و بیانی، دێ نه‌رینا خۆ‌ ل سه‌ر چه‌ندین پرسێن ناڤخۆ، عێراق و هه‌رێمێ دیارکەن و دوو رۆچان دیدار دێ بەردەوام بیت.