سەرنووچە:

ئەڤرۆ پەرلەمانێ عێراقێ دێ لسەر یاسایا خانەنشینیێ جڤیت

 دێ دەنگ لسەر ژمارەکا پرۆژە یاسایان هێت دان
فۆتۆ: 
2019-11-19

259 جار خوێندراوەتەوە

ئەڤرۆ سێشەمبیێ پەرلەمانێ عێراقێ دێ جڤیت و دێ دەنگ لسەر ژمارەکا پرۆژە یاسایان هێت دان ، دیارترین ژى پرۆژە یاسایا خانەنشینیێ و دەستەیا نەزاهەیا عێراقێ یە.

نووچەگەهانێ دیجیتال میدیایا ئێن ئار تى راگەهاند، ئەڤرۆ سێ شەمبیێ دێ پەرلەمانێ عێراقێ جڤیت و دێ دەنگى لسەر پرۆژە یاسایا هەلوەشاندنا جڤاتا پارێزگەهان ، ئیمتیازاتێن بەرپرسان و بیمەیا جڤاکى دەت.

لگۆر بەرنامەیا کارێ جڤینێ ، یاسایا دەستەیا نەزاهەیا عێراقێ دێ هێت گوتۆبێژکرن، و پشترا دێ دەنگ لسەر هێتە دان و خواندنا یەکێ بۆ پرۆژە یاسایا هەلبژاردنان و کۆمسیۆنا نوو یا عێراقێ هێتە کرن.

ئەڤە د دەمەکێ دایە، د حەفتیا دەربازبوویى دا پەرلەمانێ عێراقێ خواندنا یەکێ بۆ هەلوەشاندنا ئیمتیازاتێن بەرپرسان و سەرەراستکرنا یاسایا خانەنشینیێ کربوو.