سەرنووچە:

سۆران عومەر: داهاتێ ناڤخۆ یێ هەرێمێ سێ جار هندى یێ سالا ٢٠١٥ێ یە

فۆتۆ: 
2019-11-19

230 جار خوێندراوەتەوە

سۆران عومەرراگەهاند، داهاتێ ناڤخۆ یێ هەرێمێ سێ جار هندى یێ سالا ٢٠١٥ێ یە و حکومەت مووچەى ب رێکوپێک پارڤەناکەت.

سۆران عومەر ئەندامێ فراکسیۆنا کۆمەڵ یا ئیسلامی د پەرلەمانێ کوردستانێ دا دبەرنامەیا تاوتوێ ئێن ئاڕ تی وتی دا راگەهاند، " وەزارەتا دارایێ ٣٠ رۆژان جارەکێ مووچەى ددەت ، بۆ هەیا نها هەشت مووچە د ئەڤسال دا دانە".

ناڤبرى گوت ژى، " کابینەیا بەریا نها یا حکومەتێ باشتربوو ، ژبەرکو ٢٠ رۆژان جارەکێ مووچە ددا ، لێ نها ٣٠ رۆژا ژى مووچە ناهێتە دان " بەحسا وێ یەکێ ژى کر، " دڤێت کو مووچە رێکوپێک کربوو ، نە کو سزایا فەرمانبەران بدەن لسەر دەوامێ".

د داویێ ژى دا گوت، " داهاتێ نافخۆ یا هەرێمێ نها گەلەک زێدەترە ژ جاران ب سەدەما رسومات و باج و گۆمرگان" و گوت، " داهاتێ ناڤخۆ د نها دا مەهانە ٢٠٠ ملیار دینارن ژبلى داهاتێ نەفتێ ".

هەروەسا دایە دیار کرن، " داهاتێ نەفتا حکومەتا هەرێمێ د دەست وەزارەتا سامانێن سرۆشتى یە نەک وەزارەتا دارایێ ".