سەرنووچە:

ڕێکخراوا هەنگاو: هەیا نها ٤٢ خۆنیشاندەر ل ڕۆژهەلاتا کوردستانێ هاتنە کوشتن

ب دەهان کەسێن دی ژی بریندارن
فۆتۆ: 
2019-11-18

341 جار خوێندراوەتەوە

ڕێکخراوا هەنگاو ڕاگەهاند، هەیا نها خۆنیشاندانێن ڕۆژهەلاتا کوردستانێ ٤٢ کەس ب تەقەیا ڕاستەوخۆ یا هێزێن ئەولەهیێ هاتنە کوشتن و ب دەهان کەسێن دی ژی برینداربوون.

ل گۆڕەی داوی ئامارا ڕووپەلا ڕێکخراوا هەنگاو بۆ مافێ مرۆڤان، ئەڤرۆ دووشەمبێ بەلاڤکر، هەژمارا کوشتیێن خۆنیشادەرێن ڕۆژهەلاتا کوردستانێ گەهشتیە، ٢٤ کەسان، کو ب تەقەیا ڕاستەوخۆ یا هێزێن ئەولەهیێ هاتنە کوشتن و ب دەهان کەسێن دی ژی برینداربوون.

وێ ڕووپەلێ بەحسا وێ یەکێ ژی کریە، ل باژاڕێ کرماشان ١٥ خۆنیشاندەر هاتنە کوشتن، ل بۆکان پێنج و ل جوانڕۆ ١٤ کەس، هەروەسا ل تاران یەک کەس هاتیە کوشتن، کو ئەویش ب ڕەگەز کوردە، هەروەسا ل هەریەک ژ باژاڕێن مەریوان و سنە هەژمارەکا کوشتی و برینداران هەیە و ل مەریوان ٦ کوشتی و ٥٠ کەسێن دی ژی برینداربوونە، ل باژاڕێ سنە ژی یەک خۆنیشاندەر هاتیە کوشتن و ٢٥ کەسێن دی ژی برینداربوون.

هەژمارا کوشتی و بریندارێن دی یێن ڕۆژهەلاتا کوردستانێ هەیا نها ئامارەکا دیارکری نەهاتیە بەلاڤکرن، ئەو ژی ب سەدەما قوتکرن و نەمانا هێلێن ئینتەرنێتێ ل وان دەڤەران.

ئەڤە ژی د دەمەکێ دایە، ل شەڤا ئەینیێ خۆنیشاندانان ل ئیرانێ و باژاڕێن ڕۆژهەلاتا کوردستانێ دەستپێکریە، ژبەر گرانبوونا بهایێ بەنزینێ هاتنە سەر جاددەیان، ب نێرینا بەشەک ژ چاڤدێران خۆنیشاندانان داخوازیێن سیاسی ل پشتن و لسەر خرابیا بەشەکا زێدەیا سێکتەران و خەلک ژ بەر گرانبوونا بهایێ بەنزینێ هاتنە سەر جاددەیان و ئەڤ یەکە ژی ب دەلیڤە زانیە.

س.ع