سەرنووچە:

عەبادى داخواز ل پارلەمانى کر رێکارێن دوورخستنا عەبدولمەهدی بگریتە بەر

فۆتۆ: 
2019-11-18

508 جار خوێندراوەتەوە

حەیدەر عەبادی سەرۆک وەزیرێن بریا نها یێ عێراقێ داخواز دکەت پارلەمان رێکارێن پێدڤى بۆ دوورخستنا عادل عەبدولمەهدی بگریتە بەر ب مەرەما داوی هاتنا خونیشاندانان و هەلبژاردنا حکومەتەکا دەمکى کو ئەندامێن وێ کەسێن سەربخۆبن.

د راگەهاندنەکێ دا حەیدەر عەباى کو ڤدەم سەرکردێ هەڤپەیمانیا نەسرە ، پێشنیار کریە کو حکومەتەکا دەمکى دوور ژ پشک پشکاتیێ بۆ دەما شەش مەهان کارێن وەلات برێڤە ببەت و یاسایا هەلبژارتنان بهێت سەرەراستکرن.

هەروەسا گوت، دڤێت کومسیۆنەکا سەربەخۆ یا هەلبژاردنان دوور ژ حزاتیێ بهێت پێکئینان و دیار کرنا تەفایا قوناغێن هەلبژارتنێ ب سەرپەرشتیا ناڤدەولەتى.

عەبادی ب گرنگ دزانیت تەڤاهیا پارتان هەڤکاربن بۆ رزگارکرنا دەولەتێ ژ سیستەما پشک پشکاتیێ ژ بۆ کو کەسێن هەژى و شارەزا دامەزراوەیان برێڤە ببەن.

ئەو یەک ژى هاتیە، عەبادى داخواز کریە کو بەرنامەیەکێ موکم بۆ باشترکرنا ئابوورى و کێمکرنا رێژەیا بێکاریێ ل عێراقێ بهێت دانان و دوسیەیێن گەندەلیێ ب هاریکاریا نەتەوەیێن هەڤگرتى و شارەزایێن ناڤدەولەتى بهێن یەکئالیکرن