سەرنووچە:

نڤیسینگەها رزگارکرنا رەڤاندیێن دەستێ داعشێ یا دهۆکێ خەلاتێ دایکا ترێزا یێ جیهانی وەرگرت

فۆتۆ: 
2019-11-18

239 جار خوێندراوەتەوە

بەرپرسێ نڤیسینگەها رزگارکرنا رەڤاندیێن ئێزدی ژ دەستێ داعشێ ئامارا رزگارکریێن دەستێ داعشێ بەلاڤکر.

حسێن قائیدی بەرپرسێ نڤیسینگەها رزگارکرنا رەڤاندیێن ئێزدی ژ دەستێ داعشێ ل دهۆکێ د کونگرەکێ رۆژنامەڤانى ئەڤرۆ ١٨ێ مژدارێ راگەهاند، پشتى پێنج سالێن کارکرنێ نڤیسینگەها رزگارکرنا رەڤاندیێن دەستێ داعشێ یا دهۆکێ خەلاتێ دایکا ترێزا یێ جیهانی وەرگرت، کو ئەڤ خەلاتە ب وان کەسان دهیتەدان یێن هاریکار و ب باندور د ناڤ جڤاکی دا.

هەروەسا د هەمان کونفرەنس دا ئامارێن رزگارکریان ژى بەلاڤکرن، هەر ل دەستپێکێ جینوسایدکرنا شنگالێ دا ٦ هزار و ٤١٧ کەس هاتبوونە ئێخسیرکرن، هەیا نها  ٣هزار و ٥٢٤ رەڤاندى هاتینە رزگارکرن.

دازانین ژى، ئەو رەڤاندیێن هاتینە رزگارکرن پێکدهێن ژ هزار و١٩٧ ژن و هزار و ٣٨  زارۆکێن کچن، ٣٣٩ زەلام، ٩٥٠ زارۆکێن کورن بووینە، ٢هزار و ٨٩٣ کەس ماینە ل دەڤەرێن بەرى نها د بن کنترۆلاى داعشێ دا.

دیار ژى کر، حکومەتا عێراقێ و جڤاکا نێڤدەولەتى رەنگە د بیاڤێن جوودا دا هاریکاریا وان کربیت، لێ وەک رزگارکرنا رەڤاندیان چ هاریکاریەک نەکرن.