سەرنووچە:

بالەفڕێن تورکیا ب دژواری دەڤەرا بەرواریا بالا بۆمبەباران کر

هەشت موشک ئاراستەی وێ دەڤەرێ کرنە
فۆتۆ: 
2019-11-12

596 جار خوێندراوەتەوە

دیجیتال میدیایا ئێن ئاڕ تی، ئامێدی، نیهاد ئۆرەماری

بالەفڕێن شەڕیێن تورکیا ب دژواری دەڤەرا بەرواریا بالا یا نێزیک گوندێن چەمسەیدا و بازێ و کانی مەزنێ بۆمبەباران کر.

نووچەگەهانێ دیجیتال میدیایا ئێن ئاڕ تی ڕاگەهاند، ل نێزیک دەمژمێر دوویێ پشتی نیڤرۆیا ئەڤرۆ سێشەمبێ ل (١٢ێ مژدارا ٢٠١٩ێ) بالەفرێن شەڕکەرێن تورکیا ب دژواری دەڤەرا بەرواریا بالا یا نێزیک گوندێن چەمسەیدا و بازێ و کانی مەزنێ یا سەر ب ناحیا کانی ماسێ و گرێدایی قەزا ئامێدیێ بۆمبەباران کر.

نووچەگەهێ ئێن ئاڕ تی بەحسا وێ یەکێ ژی کر، بۆمبەبارانکرنا وێ دەڤەرێ  ل دەمژمێر دوویێ پشتی نیڤرۆ هەیا پێنجی ئیڤارێ بەردەوام بوویە.

دیارکر ژی، زێدەتری حەفت موشەک ئاراستەیێ وێ دەڤەرێ کرینە ب وێ سەدەمێ ژی تنێ زەرەرێن زێدەیێن ماددی بەر چەندین خانی و ڕەز و باخێن وەلاتیێن وێ دەڤەرێ کەفتینە و ترسەکا مەزن ژی ل جەم ئاکنجیێن وێ دەڤەرێ دروست کریە.