سەرنووچە:

ئیلهام ئەحمەد: داخویانیێن سەرۆکێ هەرێمێ بەرپرسیار و واقعیانە نینن

فۆتۆ: 
2019-11-12

609 جار خوێندراوەتەوە

ئیلهام ئەحمەد راگەهاند ، داخویانیێن سەرۆکێ هەرێمێ بەرپرسیار نینن و خواندنەکا واقعیانە بۆ رەوشا رۆژئاڤایێ کوردستانێ نینە.

ئیلهام ئەحمەد هەڤسەرۆکا جڤاتا سوریا دیموکرات د چاڤپێکەفتنەکا تایبەت یا ئێن ئار تى دا دەربارێ داخویانیا نێچیرفان بارزانى کو گوتبوو تورکیا ئاریشە دکەل گوردان نینە بەلکو دگەل پەکەکێ هەیە بەرسڤا وى دا و راگەهاند، ئەو داخویانیا نێچیرفان بارزانى چ خزمەتێ ب یەکێتیا کوردان ناکەت و بەروڤاژى دڤێت بهێتە داخوازکرن هەلوێستا تورکیا هەمبەر کوردان بهێت گوهەرتن.

ئاماژە ب وێ یەکێ ژى کر، دەما مەسعود بارزانی سەرۆکێ پارتی دیموکراتی کوردستان دەربارێ رەوشا گرێ سپى داخویانى دابوو،  ئەردۆغان پێ راگەهاندبوو کو بێدەنگ بیت و دێ سەرەیا هەرێمێ ژى هێت ، ئەف یەک ژى ب واتایا کو دەولەتا تورکیا پەکەکێ وەک هێجەتەکێ دئینیت.

ئیلهام ئەحمەد ئەو یەک ژى گوت، ئەگەر پەکەکە نەبیت تورکیا دێ بنەمالا بارزانى کەتە هێجەت بۆ هێرشکرنا سەر باشور ، ژبەر کو تورکیا بنەمالا بارزانى ژى وەک تیرۆرست دبینیت.