سەرنووچە:

ئیلهام ئەحمەد بۆ یەکێتیا ئەوروپا: چاڤەرێی گەهشتنا پێلەکا چەکدارێن داعشێ بن

فۆتۆ: 
2019-11-09

305 جار خوێندراوەتەوە

ئیلهام ئەحمەد ڕاگەهاند، ژبەر کریارێن تورکیایێ دبیت یەکێتیا ئەوروپا چاڤەرێی گەهشتنا پێلەکا چەکدارێن داعشێ بن.

ئاژانسی ڕۆیتەرز بەلاڤکر، ئیلهام ئەحمەد سەرۆکا دەستەیا جێبجێکارا جڤاتا سووریایا دیموکرات ڕاگەهاند، یەکێتیی ئەوروپا  دێ ڕووبەڕویێ پێلەک ژ چەکدارێن داعشێ بیت ئەگەر ب ئاوایەکێ توندتر سەرەدەریێ د لەگەل تورکیا دا نەکەت.

ئیلهام ئەحمەد بەحسا وێ یەکێ ژی کر، ئەو گەف گەلەک مەزنە ژبەر  ئاوایێ فەکشیانا ئەمریکا ل سوریا، ژبەر کو بوویە سەدەما ڕەڤینا هەژمارەکا زێدەیا چەکدارێن داعشێ بۆ وەلاتێن خۆ هەیا کو کریارێن خۆیێن تیرۆرستی ئەنجام بدەن.

 وێ بەرپرسا جڤاتا سوریا دیموکرات داخواز ژ یەێکتیێ ئەوروپایێ کریە ٢هزار لەشکەران بۆ پاراستنا سنورێ تورکیا و سوریا بشینن ز ڕێگریێ ژ دەربازبوونا چەکدارێن داعشێ بکەن و فرۆتنا چەکی ژی ب تورکیا ڕابگرن،  گۆت ژی، "  گەلێمە ب چەکێن ئەوروپا دهێتە کوشتن".

ئیلهام ئەحمەد دیارکر ژی، دڤێت ڕۆژئاڤا ڤەکۆلینێ ژ تورکیا بکەت لسەر گۆتنا بکارئینانا چەکێ کیمیایی ل دژی کوردان.

وێ بەرپرسا جڤاتا سوریا دیمکرات، بەرێ خۆ دایە یەکێتیا ئەوروپا و پێ ڕاگەهاند،" تورکیایا بەربژێر بۆ یەکێتیا ئەوروپا هەمان ئەو تورکیا نیە کو هی دنیاسن، نها تورکیا تورکیایەکا ئیسلامی یە و هین ژی رادیکالن، ئەوروپا گوتوبێژا ب ئەندامبوون و لهەڤهاتنا بازرگانی دگەل تورکیایێ قوتکەن".

ناڤبەری بەحسا وێ یەکێ ژی کر، دڤێت تورکیا بترسیت، چەدرێن پلە بلندێن داعشێ ل دەڤەرێن بن دەستهەلاتا تورکیا ل باکورێ سوریا هاتنە ڤەحەواندن.

دەربارەی ئاخفتنا ترەمی کو گۆتبوو کوردا ژ شەڕێ نۆڕماندی د ١٩٤٤ێ دا دژی نازییان هاریکاریا ئەمریکا نەکرنە، گۆت، تورکیا ل بەرەیێ ئەمرکیا نەبوویە د شەڕێ جیهانیێ دویێ دا و ڕاگەهاند ژی، " کورد د دەمێ نۆڕماندی دا دەولەت یان کیانەک نەبوویە و د وی شەڕێ دا کورد بوویە قوربانی و تورکیا ژی د وی دەمی دا دگەل ئەمریکا نەبوویە، ژ بەر وێ یەکێ نزانم بۆچی ترەمپی ئەو ئاخفتن کریە".