سەرنووچە:

چەند زانیاریێن گرنگ لسەر نڤستنێ بزانە

فۆتۆ: 
2019-08-28

1343 جار خوێندراوەتەوە

یا فەر و پێدڤیە بزانین دێ چاوا دەم و چاوانیا نڤستنێ ب ئاوایەکێ ب پلان و ڕێکوپێک ل دەف خۆ پەیدا کەین، ژبەر کۆ نڤستنا نەڕێک زوور مەترسیێن دیارکرى هەنە و نڤستنەکا ب ڕێکوپێک هێزا لەشى د کارو بارێن ڕۆژانەدا دیار دکەت .

 یا ڤەرە بزانین نڤستن د هەشت دەمژمێران زێدەتر چەند یا مەترسیە و چ خوارنەک بەری نڤستنێ یا ساخلەم و ب مفایە، هاتنا باوەشکێن زوور چ مەترسیەک هەیە ؟ چ ڕێ د هاریکارن کۆ ب ئاوایەکێ باشتر بنڤى هەروەسا چ سەدەم هەنە بۆ سەرئێشانا دەما ژ خەو ڕابوونێ.

 نڤستنا زێدەتر ژ هەشت دەمژمێران یا مەترسیدارە؟Related image

لگۆری ڤەکۆلینەکا ناڤەندا دل یا ئەمریکایێ، نابە مرۆڤ د شەڤ و رۆژەکێ دە زێدەتر ژ ٨ دەمژمێران بنڤیت، ژ بەر کو دبیتە سەدەما کێمبوونا ژیێ مرۆڤان.

 ناڤەندا دل یا ئەمریکایێ کو نووچەیا وێ د رۆژنامەیا زە گاردیان دا هاتیە بەلاڤکرن، لێکۆلین ل سەر ٣ ملیۆن مرۆڤان پێکئانیە و د ئەنجامێ دا دەرکەتیە کو کەسێن زێدەتر ژ ٨ دەمژمێران دنڤن، ٣٠% ژیێ وان ژ کەسێن هەشت دەمژمێران دنڤن کێمترە.

ناڤەندا ئەمریکی دبێژیت خەوا زێدە دبیتە سەدەما نەخوەشیا دل، نەخوەشیا ڕایێن لاش و ئەگەرا مرنێ ژی زێدە دکەت.

ژ بلی وێ یەکێ ژی زانینگەهێن ناڤدار یێن وەکە لیدس، مانچستەر و ئێست ئەنجێلا ژی ئەڤ لێکۆلین پشتراست کرنە و پێشنیاردکەن مرۆڤ خەوا خوە رێکوپێک بکە و خوە ژ خەوا زێدە بپارێزیت.

 ڕووپەلا "زە سەن" یا بەریتانی بەڵافکریە، ڤەکولینەکا زانستی کو زانایان ل زانکۆیا کیلیا بەریتانی ئەنجامدایە دیارکریە، نڤستن د هەشت دەمژمێران زێدەتر مەترسیێن مرنا پێشوەخت د ژیێ لاوێتی دا زێدە دکەت، ڤەکولین گەهشتیە وی ئەنجامی زێدە نفستن ئەگەرێن توشبوون ب جەلتەیا دڵ ب ڕێژا ٤٤% زێدە دکەت.

 بەری نڤستنێ مۆزان بخۆ.

Related image

خورانا مۆزێ مفایێن زۆر بۆ ساخلەمیا مرۆڤێ هەنە بتایبەتی د دەمێ شەڤێ دا.

مفایێن خوارنا مۆزێ د شەڤێ دا ئەڤە نە:

 ١. پێش نڤستنێ مۆزان بخۆ چونکێ هەڤکارە بۆ خەوەکا خوش و ئارام. 

٢. ئاریشەیا کێم خەویێ چارەسەر دکەتن، ژبەر هندێ ل جهێ بکارئینا حەبێ بۆ نڤستنێ مۆزەکێ بخۆ دێ نڤی.

٣. هەڤکارە بۆ نەهێلانا دوو دلیێ.

٤. سەدەمێن تووشبوونێ ب جەلتەیا دڵی و مێشکی و شێرپەنجەیێ کێم دکەتن.

 مرۆڤێن زیرەک، شەڤێ درەنگ دنڤن؟

بەرسڤ لگۆری، ڤەکۆلینەکا زانینگەهەکا بەریتانی بەلێ، کو دیارکریە کەسێن شەڤێ درەنگ دنڤن، زیرەکن و مێشکێ وان چالاکترە.

زانینگەها لەندەنێ بۆ ڤەکۆلینێن دارایی و سیاسی ل سەر هەژمارەک گەنجێن ئەمریکی، لێکۆلینەک پێکئینایە و د ئەنجامێ دا دەرکەفتیە کو بۆ کەسێن زیرەک و زانا، پشتی کو هەموو کەسەک نڤست، وێ دەمێ ژیان دەستپێدکەت.

ساتۆشی کانازاوا دەرونناس د وێ زانینگەهێ دا دیارکریە، کەسێن درەنگ دنڤن، دخوازن د تنێتی و بێدەنگیێ دا بهزرن و لدووڤ پرسیاران دگەرن و مێشکێ وان ژ مێشکێن کەسێن ئاسایی چالاکتر کار دکەت.

 چ دەمەکێ باوەشک یا مەترسیدارە ؟

هندەکجاران باوەشک زوور یا ساخلەم نینە، ئەگەرێ هەى ئاماژە بیت بۆ توشبوون ب نەخوشیێ و مەترسییا ساخلەمیێ هەبیت.

 د بابەتەکێ ساخلەمی دا ڕووپەلا سکاى نیۆز بەلاڤکریە، باوەشک هاتن بشێوەکێ تایبەت ئەگەر بشێوەکێ بیت کۆ د خولەکەکێدا چەندجاران باوەشک بهێت، ئەو دبیت ئەگەرێ توشبوونێ بیت بۆ هندەک نەخوشیان.

د هندەک حالەتاندا باوەشک ب سەدەما بەرسڤدانا دەمارانە کۆ ژ مێشکى بۆ زکى دچن و د دەڤى ڕا دەربازدبن، دەما چالاکیا ڤان دەماران زێدە دبیت و دبیتە ئەگەرێ هاتنە خوارا لێدانێن دلى و بلندبوونا فشارا خوینێ، د هەمان دەمدا زیانێ دگەهینیتە دلى.

زێدەبارى ڤێ چەندێ  زانایان  بتەمامى ئەگەرێ باوەشکان بوو دیارنەبوویە، لێ دزانن کۆ دحالەتێن ئاسایی دا پەیوەندى ب وەستیان و خەوێ ڤە هەیە، د وى دەمی دا باوەشک دهێن هەیا لەش چالاک ببیت.

 چەند ڕێیەک دێ هاریکاریا تەکەن کۆ ب ئاوایەکێ باشتر بنڤىImage result for رجل نائم

نڤستن پشکەکا سەرەکیە ژ ژیانا ڕۆژانە و ژ گرنگترین پێدڤیێن ژیانێ یە بۆ مرۆڤى، هەرتێکچونا وێ ژى ژ سیستەمێ خەوێ باندور لسەر ساخلەمی و ستایلێ ژیانێ هەیە و دبیت ببیتە ئەگەرێ توشبۆن ب نەخوشیان و ئاریشێن ساخلەمى دیڤخودا بینیت.

بۆ ڤێ مەرەمێ ڕووپەلا عاجل ئاماژە ب چەند ڕێیەکان کریە کۆ هاریکار بیت ژبۆ بساناهى خەو لێ بکەڤیت و بنڤیت و شێوازێ خەوا وى باشتر لێ بهیت، بڤى ئاواى:

١ـ موبایلا خۆ نەدانە نێزیک سەرێ خۆ و ژخۆ دوور بێخە و دانە جهەکێ کۆ بساناهى دەستێ تە نەگەهیتێ داکۆ ل سەر جهێن خۆ بەرێ خۆ نەدەیێ.

٢ـ ژوورا تە بلا بەردەوام یا پاقژ بیت داکۆ هەست ب ئارامیێ بکەى د وى جهێ تو تێدا دنڤى.

٣ـ ئەو جلێن بۆ دەمێ نڤستنێ بکاربینى بلا جلێن نەرم بن و داکو ب تەمامى یێ تێدا ئارم بى.

٤ـ ئێڤاریان بۆ دەمەکێ پیاسەیەکا پێیان هاتنوچوونێ بکە هەیا ژئالیێ دەرونى و لەشى ڤە هەست ب ئارامیێ بکەى و د شەڤێ دا بکارى ب ئارمى بنڤى.

 دەما ژ خەو ڕادبی بۆچی سەرئێشان دروست دبیت؟

پشکەک ژ خەلکى پشتى ژ خەو ڕادبن هەست ب ئێشانا سەرى و گرانبوونا سەر و چاڤان دکەن، ڤێ یەکێ ژى ئەگەرێن خۆ یێن ڕۆژانە هەنە هەیا توشی وێ ڕەوشێ ببن.

مالپەری ئیمارات نیوز یی عەرەبى د بابەتەکێدا بەحسا ئەگەرێن سەرئێشانا پشتى ژ خەو ڕابوونێ کرییە.

ئەو ئەگەر ژى ئەڤەنە :

ـ بلندبوونا پەستانا خوینێ.

ـ زوور نڤستن د ڕۆژێ دا.

ـ هەبوونا ڕۆناهیێ د وێ ژوورا تو تێدا دنڤى.

ـ دەما تەماشەى تلەفزیۆن و کۆمپیوتەرێ دکەى و دبەر ڕا دخەودچى.

ـ هەبوونا ئاریشەیێن خەوێ وەکى کێم خەوى و تێکچوونا خەوێ.

ـ ئەو کەسێن نەخوشیا دلى هەى کۆ ددەما نڤستنێ دا لێدانا دلێ وان دهیتە گۆهەڕتن.

 ـ نڤستن بۆ دەمەکێ درێژ.

ـ نڤستن ل جهەکێ خراپ.

س.م