سەرنووچە:

بالەفرێن تورکیا کەمپەکا ئاوارەیان ل مەخمور بۆمبەباران کر

هەیا نها زەرەر نەهاتنە زانین
فۆتۆ: 
2019-07-19

464 جار خوێندراوەتەوە

درەنگیا شەڤا دەربازبوویی بالەفرێن شەڕیێن تورکیا کەمپەکا ئاوارەیان ل مەخمور بۆمبەباران کر و دوو کەس برینداربوون.

هەڤال حەسەن سەرۆکێ جڤاتا کەمپا مەخمور بۆ دیجیتال میدیایا ئێن ئاڕ تی ڕاگەهاند، دەمژمێر ١٢ و نیڤێ شەڤا دەربازبوویی بالەفرێن شەڕیێن تورکیا ب چەند مووشەکان کەمپەکا ئاوارەیان ل مەخمور بۆمبەباران کر، د ئەنجامێ دا دوو کەس برینداربوونە و زەرەرێن مادی ژی بەر ب دەڤەرێ کەفتنە.

ژ ئالیێ خۆ ژی ڤە لەیلا ئازوو ئیلهان هەڤسەرۆکا باژێرڤانیا کەمپا مەخمور بۆ میدیایێن نێزیک ژ پەکەکێ ڕاگەهاندیە، بالەفرێن تورکیا شەش جاران بۆمبەبارانا کەمپێ کریە.

داخواز ژ حکومەتا عێراقێ و نەتەوەیێن هەڤگرتی کر بلەزترین دەم د هەوارا پەنابەرێن مەخمور بچن و سنورەکێ بۆ بۆمبەربارانێن تورکیا دابنن.

کەمپا مەخمور ئاوارەیێن باکورێ کوردستانێ تێدانە و ل سالێن نوتان بسەدەما شەڕ و ئالۆزیێن ئارتێشا تورکیا ل باکورێ کوردستانێ ئاوارەی هەرێم و دەڤەرا مەخمور بوونە.

ب هێجەتا هەبوونا پارتا کارکەرێن کوردستان – پەکەکێ هەیا دچیت تۆپ و بۆمبەبارانێن ئارتێشا تورکیا بۆ سەر دەڤەرێن سنوری و گوند و جهێن ئاڤەدانێن دهۆک و هەولێر و سلێمانیێ زێدەتر دبن، شەڤا دەربازبوویی ژی بالەفرێن شەڕ یێن تورکیا ناڤا گوندێ سپیندارێ یێ سەر ب ناحیا چەمانکێ یا گرێدای قەزا ئامێدیێ بۆمبەبارانکر و د ئەنجامێ دا سێ وەلاتیێن سڤیل برینداربوون.

س.م