سەرنووچە:

بالیوزێ ئەمریکا ل بەغدایێ: هێرشا هەولێرێ شەرمەزار دکەین

فۆتۆ: 
2019-07-17

271 جار خوێندراوەتەوە

بالیوزێ ئەمریکا ل بەغدایێ تەقەکرنا سەر کارمەندێن کونسولخانەیا تورکیا و کوشتنا کەسەکێ ل هەولێرێ شەرمەزار دکەت

د بەیاننامەیەکێ دا ئەڤرۆ ڕۆژا چارشەمبی ١٧ێ تیرمەها ٢٠١٩ێ بالیوزێ ئەمریکا ل بەغدا بەلاڤکر "نوونەراتیا ویلایەتێن هەڤگرتى یێن ئەمریکا ل بەغدا هێرشا درندانە یا ل سەر کارمەندێن کونسولخانەیا تورکیا ل هەولێرێ شەرمەزادکەین".

د بەیاننامەیێ دا دیارکریە، " سەرخوشیێ پێشکێشی کونسولخانەیا تورکیا دکەین و پشتەڤانیا خۆ بۆ سلامەتیا گیانێ دیپلوماتێن بیانى ل عێراقێ نیشان دا".

ئەڤە ژى د دەمەکێ دایە د ڕێستورانتەکا هەولێرێ دا تەقە ل هژمارەکا کارمەندێن کونسولخانەیا تورکیا هاتە کرن و میدایێن تورکیا ژی بەلاڤکرنە، د هێرشێ دا جێگرێ کونسولێ تورکیا و کارمەندەکێ کونسولخانەیێ هاتینە کوشتن.

بەحسا وێ یەکێ ژی کر، د نها دا هێزەکا زێدە د جێ بوویەرێ دا هاتینە بەلاڤکرن و تەقەکەر ژی ڕەڤیانە.

نوچەگەهانێ ئێن ئا ڕتی بەحسا وێ یەکێ کر، هێزێن ئەولەکاریێ بزاڤا دەستەسەرکرنا تۆمەتبارن دکەن و هەڤدەم تەڤایا بازگەهێن هەولێرێ ژی هاتینە داخستن و ڕێ ب چ کەسەکێ ناهێتە دان ل هەولێرێ دەرکەڤیت.

ژ ئالیەکێ دی ڤە ئاژانسا ڕۆیتەرز دیارکر، د بوویەرێ دا هەری کێم سێ دبلۆماتکارێن تورکیا هاتینە کوشتن.

هەڤدەم هەیا نها حکومەتا تورکیا ب فەرمی چ ڕاگەهاندنەک لسەر بوویرێ بەلاڤ نەکریە.

ئاماژە ب وێ یەکێ کر، د نها دا هێزەکا ئەولەهیا زێدە ل جهێ بوویەرێ هاتیە بەلاڤکرن و تەقەکەر رەڤیانە و د بوویەرێ دا سێ  دبلۆماتکارێن تورکیا هاتنە کوشتن.