سەرنووچە:

وەزارەتا دەرڤەیا عێراقێ لسەر تەقەکرنا هەولێرێ هاتە دەنگ

فۆتۆ: 
2019-07-17

181 جار خوێندراوەتەوە

وەزارەتا دەڤەیا عێراقێ راگەهاند، دگەل ئالیێن فەرمى لسەر خەتین بۆ زانینا هوورکاریێن کوشتنا دیپلۆماتکارەکێ تورکى ل باژارێ هەولێر یا پایتەختا هەرێما کوردستانێ.

ئەحمەد سەحاف پەیڤدارێ دەرەڤەیێ عێراقێ ب رۆسیا تۆدەى راگەهاند، ئیدانەیا کوشتنا دیپلۆماتکارێ تورکیا دکەین ل باژارێ هەولێرێ.

ئاماژە ب وێ یەکێ ژى کر، دگەل ئالیێن فەرمى لسەر خەتین بۆ زانینا هوورکاریێن روودانێ.

ژێدەرەکێ ب میدیایا روسى راگەهاندیە، هێرشا لسەر دیپلۆماتکارێ تورکیا د ناڤا ترۆمبێلێ دا ئەنجام دایە و د نها دا ل دەورووبەرێن کۆنسۆلخانەیێ ل هەولێرێ رێکارێن دژوار یێن ئەولەهیێ گرتینە بەر.

نوچەگەهانێ ئێن ئاڕ تی ڕاگەهاند، د ڕێستورانتەکا هەولێرێ دا تەقە ل هژمارەکا کارمەندێن کونسولخانەیا تورکیا هاتە کرن و میدایێن تورکیا ژی بەلاڤکرنە، د هێرشێ دا جێگرێ کونسولێ تورکیا و کارمەندەکێ کونسولخانەیێ هاتینە کوشتن.

بەحسا وێ یەکێ ژی کر، د نها دا هێزەکا زێدە د جێ بوویەرێ دا هاتینە بەلاڤکرن و تەقەکەر ژی ڕەڤیانە.

نوچەگەهانێ ئێن ئا ڕتی بەحسا وێ یەکێ کر، هێزێن ئەولەکاریێ بزاڤا دەستەسەرکرنا تۆمەتبارن دکەن و هەڤدەم تەڤایا بازگەهێن هەولێرێ ژی هاتینە داخستن و ڕێ ب چ کەسەکێ ناهێتە دان ل هەولێرێ دەرکەڤیت.

ئاسایشا هەولێرێ راگەهاند، ب سەدەما تەقەکرنا باژارێ هەولێرێ کارمەندەکێ کۆنسلخانەیا تورکیا و وەلاتیەکێ گیانێ خۆ ژ دەست دایە.

زەلال ژى کر، " وەلاتیێن هەولێرێ ب تایبەت دبلۆماتکاران پشتراست دکحەین کو رێکێ نادەین رەوش و ئاسایشا هەرێما کوردستانێ بهێتە تێکدان، ڤەکۆلینا بوویەرێ دەستپێکریە و دێ تاوانباران گەهینە سزایێ خۆ".

 م.س