سەرنووچە:

کۆشکا سپی: نێزیکی هەزار چەکدارێن بیانی یێن داعشێ ژ ئالیێ هەسەدێ ڤە هاتنە گرتن

خەلکێ ٤٠ وەلاتێن بیانی نە
فۆتۆ: 
2019-03-24

434 جار خوێندراوەتەوە

کۆشکا سپی راگەهاند، نێزیکی هەزار چەکدارێن بیانی یێن داعشێ کو خەلکێ ٤٠ وەلاتێن جیهانێ نە، ژ ئالیێ هێزێن سوریایا دیموکراتیک ڤە هاتنە گرتن.

د داخویانیەکێ دا کۆشكا سپی دیار کر، داعشێ بەرێ زێدەتر ژ ٢٠ هەزار کیلۆمەتر چارگۆشە د ناڤ ئاخا سوریا و عێراقێ دا کۆنترۆل کربوو، لێ نها جهەک ژی د دەستێ وێ دا نەمایە.

هەڤدەم پاتریک شاناهان وەزیرێ بەرەڤانیا ئەمریکایێ ب وەکالەت کەیفخوەشیا خوە ل هەمبەر سەرکەفتنا هەسەدێ نیشاندا و راگەهاند، قۆناغا شەرێ لهەمبەردەرکەتنا داعشێ بداوی هاتیە، لێ کارێن وان بۆ رێگرتن ژ جارەکی دن سەرهەلدانا داعشێ بداوی نەهاتنە.

دوهی هێزێن سوریایا دیموکراتیک ل باغۆزێ دەست ب پێگەها هەری داویا داعشێ دا گرت و مزگینیا بداویهاتنا داعشێ ل سەر ئاخا سوریایێ راگەهاند.

هـ.ج