سەرنووچە:

ڕووسیایێ گۆڕستانەکا ٣٠٠ کەسی نێزیک کەمپەکا ئاوارەیێن سوریایێ ئاشکرا کر

ڕووسیایێ گۆڕستانەکا ٣٠٠ کەسی نێزیک کەمپەکا ئاوارەیێن سوریایێ ئاشکرا کر
فۆتۆ: 
2019-03-05

304 جار خوێندراوەتەوە

وەزارەتا بەرەڤانیا ڕووسیایێ ب ڕێکا ھەیڤا دەستکرد کارەساتا ڕەوشا ژیانا ئاوارەیێن کەمپا ڕوکبان یا لسەر سنوری ئوردن ئاشکرا کر، کو ل کێلەکا کەمپا خۆ گۆڕستانەکا ٣٠٠ کەسی دروستکرنە.

 وەزارەتا بەرەڤانیا ڕووسیایێ د بەیاننامەکێ دا ئەڤرۆ سێشەمبیێ (٥ێ ئادارا ٢٠١٩ێ) بەلاڤکر، ئەو ژ نێزیکڤە چاڤدێریا ڕەوشا ئاوارێن کەمپا ڕوکبان دکەن، کو د چەند ڕۆژێن بووری دا ب ڕێکا ھەیڤێن دەستکرد ڕەوشا گران و خراب یا ئاکنجیێن وێ بۆ وان ئاشکرابوویە.

ئەڤە ژی پشتی وێ یەکێ دھێت، پڕانیا جھێن مانەڤا د کەمپێ دا مەرجێن ژیانا زستانێ تێدا نینە.

وەزارەتا بەرەڤانیا ڕووسیا ئاشکراکر ژی، کومێن گلێش و بەرمایکێن پیس ل کێلەکا کەمپێ کەتنە، چ کۆگەھەک بۆ ھەلگرتنا خوارن و کەلوپەلێن مرۆڤی نینە.

ھەڤدەم ھەیڤێن دەستکردێن ڕووسی دیارکرنە، گۆڕستانەک ل کێلەکا دیوارێ کەمپێ ھاتیە دروستکرن، نێزیکی ٣٠٠ کەسان تێدا ھاتنە ڤەشارتن، تەڤایا وان ژی ژ ئاوارەیێن ناڤ کەمپێ دانە.

وەزارەتا بەرەڤانیێ تەکەز کریە ژی، ھێزێن ئەمریکایێ ل دەڤەرا تەنف یا سوریایێ، کو کەمپ ژی د وێ دەڤەرێ دایە، ڕێکێ ب ئاکنجیێن کەمپێ نادەن وی جھی بجھـ بھێلن، ب ھێجەتا وێ یەکێ کو ژ ئالیێ دەستھەلاتا سوریایێ ڤە دێ ھێنە دەستەسەرکرن.

س.م