سەرنووچە:

ل ناڤچەیا باغۆزا سوریایێ نێزیکی ١٥٠٠ داعش مانە

د ناڤا ٢٠ رۆژان دا ٩ هەزار سڤیل هاتنە رزگارکرن
فۆتۆ: 
2019-03-03

350 جار خوێندراوەتەوە

میدیایێن رۆژئاڤایێ کوردستانێ راگەهاندن، ل ناڤچەیا باغۆزا سوریایێ نێزیکی ١٥٠٠ چەکدارێن داعشێ مانە کو گەلەک ژ وان چەکدارێن بیانی نە و شەرێ ناڤبەرا داعش و شەرڤانێن هەسەدێ ژی بەردەوامە.

میدیایێن رۆژئاڤایێ کوردستانێ ژ زارێ بەرپرسێن هەسەدێ دیارکرن، ژ ٩ێ سوباتێ هەیا یەکێ ئادارێ نێزیکی ٩ هەزار سڤیل کو پرانیا وان مالباتێن چەکدارێن داعشێ نە، د ناڤا دڤەرێن شەر دا ل ناڤچەیا باغۆزێ هاتنە رزگارکرن.

هەروەسا دانزانین، ١٥٠٠ چەکدارێن داعشێ ل باغۆزێ مانە و پرانیا وان چەکدارێن بیانی نە و خوە رادەستی هێزێن سوریایا دیموکراتیک نەکرنە.

ژ ١ێ ڤێ مەهێ ڤە ژی دەست ب ئۆپەراسیۆنەکا بەرفرە لدژی چەکدارێن داعشێ ل باغۆزێ هاتیە کرن و شەرەکێ دژوار بەردەوام دکە. شەرڤانێن هەسەدێ ژی ژ دوو باسکان ڤە پێش دکەڤن.

هـ.ج